അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ശരാശരി പ്രകടനം കാഴ്ചവെച്ചവർ വീണ്ടും സിനിമയിലേക്ക് ചാന്‍സ് ചോദിച്ചാല്‍ കൂടെ കിടക്കാമോ എന്ന് തന്നെയായിരിക്കും പലരും ചോദിക്കുകയെന്ന് നടി മാല പാര്‍വതി. അടുത്തിടെ ഒരു അഭിമുഖത്തിൽ നടി ഹന്ന റെജി കോശിയോട് കൂടെ കിടന്നിട്ടാണോ അവസരം കിട്ടിയത് എന്ന് ഒരു അവതാരക ചോദിച്ചത് വലിയ വിവാദമായിരുന്നു. ഈ വിഷയത്തില്‍ പ്രതികരിക്കുകയായിരുന്നു മാല പാര്‍വതി.
മോഹന്‍ലാല്‍, ശ്രീവിദ്യ എന്നിവരുടെയൊക്കെ അഭിമുഖങ്ങള്‍ താനും എടുത്തിട്ടുണ്ട്. എന്നാല്‍ അന്ന് ക്ലിക്ക് ബൈറ്റ് ഇല്ലായിരുന്നു. ഇത്തരം ചോദ്യം ചോദിക്കുന്നവരുടെ പ്രതിഫലം എത്രയായിരിക്കുമെന്ന് ഊഹിക്കാം. അങ്ങനെയുള്ളപ്പോള്‍ നിങ്ങള്‍ കൂടെ കിടന്നിട്ടാണോ സിനിമ കിട്ടുന്നതെന്ന് ചോദിക്കുമ്പോള്‍ ഇങ്ങനെ വേണം ഇനി ഇന്റര്‍വ്യൂ എടുക്കാന്‍ എന്ന് ഞാനും പഠിക്കുകയാണെന്ന്‌.
അവരെ തിരുത്താന്‍ പോയിട്ട് കാര്യമില്ല. ഇതാണല്ലേ ട്രെന്‍ഡ് എന്ന് പറയേണ്ടി വരും. പിന്നെ ആ കുട്ടി ഇന്റര്‍വ്യൂന് ശേഷം പറഞ്ഞ ചില കാര്യങ്ങളുണ്ട്. താന്‍ പലയിടത്ത് പോയപ്പോഴും കൂടെ കിടക്കാമോ എന്നൊക്കെയുള്ള ചോദ്യങ്ങള്‍ ഉണ്ടായിട്ടുണ്ട്. അപ്പോള്‍ സ്വാഭാവികമായിട്ടും എല്ലാവര്‍ക്കും അങ്ങനെയുള്ള അനുഭവം ഉണ്ടായിട്ടുണ്ടാവുമല്ലോ എന്ന്.
അത് നൂറ് ശതമാനം ശരിയായ കാര്യമാണ്. നമുക്ക് ആ പണി അറിയണം. ഇല്ലെങ്കില്‍ കൂടെ കിടക്കാമോ എന്ന് ആളുകള്‍ ചോദിക്കും. നമ്മളൊരു ഓഡിഷന് പങ്കെടുത്തിട്ട് ആവറേജ് പെര്‍ഫോമന്‍സാണ് കാഴ്ച വെച്ചതെന്ന് വിചാരിക്കുക. എന്നിട്ട് വീണ്ടും ആ സിനിമയിലേക്ക് ചാന്‍സ് തരുമോന്ന് ചോദിച്ചാല്‍ കൂടെ കിടക്കാമോ എന്ന് തന്നെയായിരിക്കും പലരും ചോദിക്കുക.
അഭിനയിക്കണമെന്നത് നമ്മുടെ ആവശ്യമാണ്. അത് നടക്കണമെങ്കില്‍ കൂടെ കിടക്കണമെന്ന് ആളുകള്‍ പറയും. കാരണം അവര്‍ക്ക് അതുകൊണ്ട് മാത്രമേ അവരെ കൊണ്ടുള്ള ഉപകാരമുള്ളു. സിനിമയില്‍ നമ്മള്‍ സംവിധായകന്റെ ആവശ്യമായിരിക്കണം. എന്നാല്‍ മാത്രമേ നമ്മളെ വിളിക്കുകയുള്ളു. നമ്മുടെ സ്‌കില്‍ എത്രത്തോളം ഉണ്ടെന്ന് തെളിയിക്കുകയാണ് ശരിക്കും വേണ്ടത് എന്നാണ് മാല പാര്‍വതി പറയുന്നത്.
content highlight: maala-parvathy-opens-up
