ജീവിതത്തില്‍ വളരെയധികം ആവശ്യമായ ഒന്നാണ് ഉറക്കം. അതേസമയം, ഉറക്കം ഇല്ലാത്ത അവസ്ഥ ഇന്ന് പലരും അനുഭവിക്കുന്ന ഒന്നാണ്. പല കാരണങ്ങള്‍ കൊണ്ടും ഉറക്കമില്ലാത്തവരാണ് നമ്മളില്‍ പലരും. മാനസികപ്രശ്നങ്ങള്‍ കൊണ്ടും സ്ട്രെസ് കൊണ്ടും എന്തിന് ഫോണിന്റെ അമിത ഉപയോഗം മൂലം പോലും ഉറക്കം നഷ്ടപ്പെടാം. ഉറക്കകുറവ് മൂലം മാനസിക പ്രശ്നങ്ങള്‍ ഉണ്ടാകാനുളള സാധ്യതയും ഏറെയാണ്.
ഉറക്കവും മനസ്സും തമ്മില്‍ വളരെയധിതം ബന്ധപ്പെട്ടിരിക്കുന്നു എന്ന് എല്ലാവര്‍ക്കുമറിയാം. ജോലിക്ക് പോകുന്നവരില്‍ ആണ് കൂടുതലും ഉറക്കകുറവ് കാണുന്നത്. ഷിഫ്റ്റും മറ്റും ഒക്കെ കാരണം ഉറക്കം കുറയാം. ഒരാള്‍ 7 മണിക്കൂര്‍ മുതല്‍ 8 മണിക്കൂര്‍ വരെ ദിവസേന ഉറങ്ങണമെന്നാണ് പല പഠനങ്ങളും പറയുന്നത്. കൂടുതല്‍ കാലം ഉറക്കകുറവ് നിലനിന്നാല്‍ ഡോക്ടറിനെ കാണേണ്ടത് അത്യാവശ്യമാണ്.
ശരിയായ ഉറക്കം ലഭിച്ചില്ലെങ്കില്‍ ശരീരത്തിന് എന്തൊക്കെ പ്രശ്നങ്ങള്‍ ഉണ്ടാകുന്നു എന്ന് നോക്കാം.
ഉറക്കക്കുറവ് പരിഹരിക്കാന്‍ വീട്ടില്‍ തന്നെ ചെയ്യാന്‍ കഴിയുന്ന ചില പൊടിക്കൈകള്‍ നമുക്ക് പരിചയപ്പെടാം;
മിക്കവരും ഉറക്കകുറവ് പരിഹരിക്കാന്‍ ഉപയോഗിക്കുന്ന ഒരു വഴിയാണിത്. കൂടുതല്‍ സൂര്യപ്രകാശം കൊള്ളുന്നത് ശരീരത്തില്‍ മെലാടോണിന്റെ ഉത്പാദനം വധിപ്പിക്കും. നമ്മുടെ ഉറക്ക ചക്രം സാധാരണ നിലയില്‍ ആക്കാന്‍ സഹായിക്കുന്ന ഹോര്‍മോണാണ് മെലാടോണിന്‍. രാവിലെ എഴുന്നേല്‍ക്കുമ്പോള്‍ അര മണിക്കൂര്‍ നടക്കുന്നതും നല്ലതാണ്.
സ്ഥിരമായി ധ്യാനിക്കുന്നത് ശ്വസനത്തിന്റെ വേഗം കുറച്ചും സ്ട്രെസ് ഹോര്‍മോണിന്റെ അളവുകള്‍ കുറച്ചും ഉറങ്ങാന്‍ സഹായിക്കും. മനസ് ശാന്തമാക്കാനും, പിരിമുറുക്കം കുറയ്ക്കാനും ഏകാഗ്രത വര്‍ധിപ്പിക്കാനും ധ്യാനം സഹായിക്കും. ഇത് ഉറക്കമില്ലായ്മ ഇല്ലാതാക്കാനും സഹായിക്കും.
കഫീനും നിക്കോട്ടിനും ഉള്ളില്‍ ചെല്ലുന്നത് ഉറക്കമില്ലായ്മയ്ക്ക് കാരണമാകും. കോഫി, ചായ, സോഫ്റ്റ് ഡ്രിങ്കുകള്‍ എന്നിവയിലൊക്കെ കഫീനിന്റെ അളവുണ്ട്. ചോക്ലേറ്റ് കഴിക്കുന്നതും ഉറക്കകുറവിന് കാരണമാകാറുണ്ട്. ഇത് പോലെ തന്നെ മദ്യം കഴിക്കുന്നത് നമ്മെ ഉറങ്ങുന്നതില്‍ നിന്നും തടയും.
മധുരം കഴിക്കുന്നത് നമ്മുക്ക് പെട്ടന്ന് എനര്‍ജി തരുമെങ്കിലും ബ്ലഡിലെ ഷുഗറിന്റെ അളവില്‍ വ്യത്യാസ്സം കൊണ്ട് വരും. രാത്രിയില്‍ ബ്ലഡിലെ ഷുഗറിന്റെ അളവ് കുറഞ്ഞാല്‍ ഉറക്കകുറവിന് കാരണമാകും.
കമോമൈല്‍ ടി ദഹനം സുഗമമാക്കുകയും, ടെന്‍ഷനും, സ്‌ട്രെസും, ഉത്കണ്ഠയും കുറച്ച് ഇന്സോമിനിയ പരിഹരിക്കാന്‍ സഹായിക്കും. എന്നാല്‍ ഉറങ്ങുന്നതിന് തൊട്ട് മുമ്പോ ഉറക്കത്തിനിടയില്‍ എഴുന്നേറ്റോ കമോമൈല്‍ ടി കുടിക്കരുത്. അത് വിപരീതഫലം ചെയ്യും.