അമീബിക് മസ്തിഷ്ക ജ്വരം ബാധിച്ച് ചികിത്സയിലായിരുന്ന മൂന്നാമത്തെ കുട്ടിയും ആശുപത്രി വിട്ടു

കോഴിക്കോട്: അമീബിക് മസ്തിഷ്ക ജ്വരം ബാധിച്ച് അതീവ ഗുരുതരാവസ്ഥയിൽ ആയിരുന്ന മൂന്നാമത്തെ കുട്ടിയും ആശുപത്രി വിട്ടു. രോഗം ബാധിച്ച മൂന്നര വയസുകാരനായ കണ്ണൂർ സ്വദേശിയാണ് ആശുപത്രി വിട്ടത്.

കുട്ടി ഇപ്പോൾ പൂർണ ആരോ​ഗ്യവാനാണ്. ആശുപത്രി വിട്ടെങ്കിലും കുട്ടി ഒരാഴ്ച കൂടി മരുന്ന് തുടരണം. 20 ദിവസത്തോളം കുട്ടി ആശുപത്രിയിൽ ചികിത്സയിൽ ക​ഴിഞ്ഞു.

ജൂലൈ 18നാണ് രോഗലക്ഷണങ്ങളുമായി കുട്ടിയെ പരിയാരം മെഡിക്കൽ കോളജിൽ പ്രവേശിപ്പിച്ചത്. പിന്നീട് കോഴിക്കോട്ടെ സ്വകാര്യ ആശുപത്രിയിലേക്ക് മാറ്റുകയായിരുന്നു.