കൂരാച്ചുണ്ട്: കരിയാത്തുംപാറയിൽ വിനോദസഞ്ചാരത്തിനെത്തിയ എം.ബി.ബി.എസ് വിദ്യാർഥി മുങ്ങിമരിച്ചു. തൂത്തുക്കുടി ഗവ. കോളജിൽ രണ്ടാം വർഷ എം.ബി.ബി.എസ് വിദ്യാർഥിയായ പാലാ സ്വദേശി ജോർജ് ജോസഫ് (20) ആണ് മരിച്ചത്.
ഞായറാഴ്ച വൈകുന്നേരം അഞ്ചു മണിയോടെയാണ് സംഭവം. കൂരാച്ചുണ്ട് സ്വദേശിയായ സുഹൃത്തിനൊപ്പമാണ് ജേക്കബ് ഉൾപ്പടെയുള്ള എട്ടംഗസംഘം കുളിക്കാനിറങ്ങിയത്. സഞ്ചാരികൾക്ക് പ്രവേശനമില്ലാത്ത മേഖലയിലായണ് ഇവരെത്തിയത്. അടിയൊഴുക്കും ചുഴിയുമുള്ളതിനാൽ പ്രദേശവാസികൾ പോലും കുളിക്കാനിറങ്ങാത്ത കടവിലാണ് അപകടമുണ്ടായത്.
വിവരമറിഞ്ഞെത്തിയ നാട്ടുകാരാണ് ജേക്കബിനെ മുങ്ങിയെടുത്തത്. കൂരാച്ചുണ്ട് സ്വകാര്യ ആശുപത്രിയിലും പിന്നീട് കോഴിക്കോട് മെഡിക്കൽ കോളജിലും എത്തിച്ചെങ്കിലും രക്ഷിക്കാനായില്ല.