അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഛത്തീസ്ഗഢ് അതിര്‍ത്തിക്കടുത്തുള്ള തെലങ്കാനയിലെ ഭദ്രാദ്രി കോതഗുഡെമില്‍ വ്യാഴാഴ്ച പോലീസ് സേനയുമായുണ്ടായ ഏറ്റുമുട്ടലില്‍ ആറ് മാവോയിസ്റ്റുകള്‍ കൊല്ലപ്പെട്ടു. ഏറ്റുമുട്ടലില്‍ രണ്ട് പോലീസുകാര്‍ക്കും പരിക്കേറ്റു. കാരകഗുഡെം മണ്ഡലത്തിലെ രഘുനാഥപാലത്തിന് സമീപമുള്ള വനമേഖലയില്‍ പോലീസ് നടത്തിയ തിരച്ചിലിനിടെയാണ് ഏറ്റുമുട്ടലുണ്ടായത്. ദന്തേവാഡയുടെയും ബീജാപ്പൂരിന്റെയും അതിര്‍ത്തിയിലെ വനങ്ങളില്‍ നടത്തിയ നക്സല്‍ വിരുദ്ധ ഓപ്പറേഷനില്‍ ആറ് സ്ത്രീകള്‍ ഉള്‍പ്പെടെ ഒമ്പത് മാവോയിസ്റ്റുകളെ ഛത്തീസ്ഗഡില്‍ സുരക്ഷാ സേന വധിച്ച് രണ്ട് ദിവസത്തിന് ശേഷമാണ് ഈ സംഭവം നടന്നതെന്ന് പോലീസ് വൃത്തങ്ങളെ ഉദ്ധരിച്ച് വാര്‍ത്താ ഏജന്‍സിയായ എഎന്‍ഐ റിപ്പോര്‍ട്ട് ചെയ്തു .
വിവിധ ഡിവിഷനുകളില്‍ നിന്നുള്ള വന്‍തോതിലുള്ള മാവോയിസ്റ്റുകളുടെ സാന്നിധ്യത്തെക്കുറിച്ചുള്ള രഹസ്യാന്വേഷണ വിഭാഗം നല്‍കിയ വിവരത്തിന്റെ അടിസ്ഥാനത്തില്‍ വിവിധ സുരക്ഷാ വിഭാഗങ്ങള്‍ സംയുക്ത ഓപ്പറേഷന്‍ നടത്തിയിരുന്നു. ഒന്നിലധികം എസ്എല്‍ആര്‍ റൈഫിളുകളും .303 റൈഫിളുകളും .315 ബോര്‍ റൈഫിളുകളും നക്‌സലുകളില്‍ നിന്ന് കണ്ടെടുത്തതായി ദന്തേവാഡ എസ്പി ഗൗരവ് റായ് പറഞ്ഞു. ഓപ്പറേഷനില്‍ പങ്കെടുത്ത എല്ലാ സുരക്ഷാ സേനാംഗങ്ങളും സുരക്ഷിതരാണ്. ചത്തീസ്ഗഢ് ഏറ്റുമുട്ടലില്‍ കൊല്ലപ്പെട്ടവരില്‍ തെലങ്കാനയില്‍ നിന്നുള്ള ഉന്നത മാവോയിസ്റ്റ് നേതാവ് മച്ചേര്‍ല എസോബുവും ഉള്‍പ്പെടുന്നു, ജഗന്‍, ദാദാ രണ്‌ദേവ്, രണ്‍ധീര്‍. ദണ്ഡകാരണ്യ സ്പെഷ്യല്‍ സോണല്‍ കമ്മിറ്റിയിലെ (ഡികെഎസ്ഇസെഡ്സി) പ്രധാന അംഗമായ എസോബു, സിപിഐ (മാവോയിസ്റ്റ്) പാര്‍ട്ടിയുടെ കേന്ദ്രസേനയുടെയും മഹാരാഷ്ട്ര-ഛത്തീസ്ഗഡ് അതിര്‍ത്തിയുടെയും ചുമതലയുണ്ടായിരുന്നു. 1980 മുതല്‍ മാവോയിസ്റ്റ് പ്രസ്ഥാനത്തില്‍ സജീവമായിരുന്ന ഈശോബുവിനെ പിടികൂടുന്നവര്‍ക്ക് 25 ലക്ഷം രൂപ പാരിതോഷികവും പ്രഖ്യാപിച്ചിരുന്നു.
മേഖലയില്‍ തിരച്ചില്‍ നടത്തുകയായിരുന്ന സംയുക്ത സുരാക്ഷാസേനക്ക് നേരെ മാവോയിസ്റ്റുകള്‍ വെടിയുതിര്‍ക്കുകയായിരുന്നു. പിന്നാലെ സേന ശക്തമായി തിരിച്ചടിച്ചു. ആക്രമണം നടത്തിയ മാവോയിസ്റ്റുകളില്‍ ചിലര്‍ വനത്തിലേക്ക് രക്ഷപ്പെട്ടതായും സൂചനയുണ്ട്. മാവോയിസ്റ്റുകളില്‍ നിന്നും തോക്കുകള്‍, വെടിയുണ്ടകള്‍, വയര്‍ലെസ് അടക്കമുളള ഉപകരണങ്ങളും പിടിച്ചെടുത്തിട്ടുണ്ട്. നമേഖലയില്‍ മാവോയിസ്റ്റുകളുടെ സാന്നിധ്യം വര്‍ദ്ധിച്ചതായി രഹസ്യാന്വേഷണ റിപ്പോര്‍ട്ടിനെ തുടര്‍ന്നാണ് പരിശോധന ശക്തമാക്കിയത്.
Content Highlights: Maoist hunt on Telangana-Chhattisgarh border
