അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മുംബൈ: എട്ടാം വാര്‍ഷികത്തോടനുബന്ധിച്ച് ഉപഭോക്താക്കള്‍ക്കായി പ്രത്യേക ഓഫറുകളുമായി റിലയന്‍സ് ജിയോ. തെരഞ്ഞെടുത്ത മൂന്ന് റീച്ചാര്‍ജ് പ്ലാനുകള്‍ക്കൊപ്പമാണ് ഈ വമ്പന്‍ ഓഫര്‍ ലഭിക്കുന്നത്. സെപ്റ്റംബര്‍ 10 വരെ നിശ്ചിത പ്ലാനുകള്‍ അനുസരിച്ച് റീച്ചാര്‍ജ് ചെയ്യുന്നവര്‍ക്ക് 700 രൂപയുടെ അധിക ആനുകൂല്യങ്ങളാണ് ലഭിക്കുക. 899 രൂപയുടെയും 999 രൂപയുടേയും 3599 രൂപയുടേയും പ്ലാനുകള്‍ റീച്ചാര്‍ജ് ചെയ്യുന്നവര്‍ക്കുള്ളതാണ് ഈ ഓഫര്‍.
ഈ മൂന്ന് റീച്ചാര്‍ജ് പ്ലാനുകള്‍ക്കൊപ്പം ലഭിക്കുന്ന അധിക ആനൂകൂല്യങ്ങള്‍: 10 ഒടിടി പ്ലാനുകളുടെ സബ്സ്‌ക്രിപ്ഷന്‍, 175 രൂപ വിലയുള്ള 10 ജിബി ഡാറ്റ 28 ദിവസത്തേക്ക്, മൂന്ന് മാസത്തെ സൊമാറ്റോ ഗോള്‍ഡ് മെമ്പര്‍ഷിപ്പ്, 2999 രൂപയുടെയോ അതിന് മുകളിലുള്ളതോ ആയ ഇടപാടുകള്‍ നടത്തുന്ന അജിയോ ഉപഭോക്താക്കള്‍ക്കുള്ള 500 രൂപയുടെ ഡിസ്‌കൗണ്ട് വൗച്ചറുകള്‍.
വാര്‍ഷികത്തോടനുബന്ധിച്ചുളള ഓഫര്‍ അനുസരിച്ച് 899 രൂപയുടെ പ്ലാനിന് 90 ദിവസവും 999 രൂപയുടെ പ്ലാനിന് 98 ദിവസവുമാണ് വാലിഡിറ്റി. ദിവസേന 2 ജിബി ഡാറ്റയാണ് ഈ രണ്ട് പ്ലാനുകളില്‍ ലഭിക്കുക. 3599 രൂപയുടെ പ്ലാനിന് 365 ദിവസം വാലിഡിറ്റി ലഭിക്കും. ഇതില്‍ 2.5 ജിബി പ്രതിദിന ഡാറ്റ ലഭിക്കും.
STORY HIGHLIGHTS: Jio anniversary offer
