അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ആവശ്യം ആയ ചേരുവകൾ
1. പാളയംകോടൻ പഴം
2. പാൽ
3. നേന്ത്രപ്പഴം
4. ആപ്പിൾ
5. മുന്തിരി
6. മിൽക്ക് മേയ്ഡ്
7. നന്നാരി സർബത്ത്
8. സബ്ജ സീഡ്
9. ഐസ്ക്യൂബ്
തയ്യാറാകുന്ന വിധം
4 പഴമെടുത്ത് അതിന്റെ തോല് കളഞ്ഞ് ചെറിയ കഷണങ്ങളായി അരിഞ്ഞ് മിക്സിയുടെ ജാറിലേക്ക് ഇടുക. ആദ്യം അതിലേക്ക് ഒരു കപ്പ് അളവിൽ പാൽ ഒഴിച്ച് ഒന്ന് പേസ്റ്റ് രൂപത്തിൽ അരച്ചെടുക്കുക. വീണ്ടും ഒരു കപ്പ് അളവിൽ കൂടി പാൽ ചേർത്ത് വീണ്ടും നല്ലതുപോലെ അടിച്ചെടുക്കണം. ഇത് മറ്റൊരു പാത്രത്തിലേക്ക് ഒഴിച്ച് വെക്കാം. സാധാരണ പാലിന് പകരമായി ഫ്രിഡ്ജിൽ വെച്ച് കട്ടയാക്കിയ പാലും ഉപയോഗിക്കാവുന്നതാണ്. ശേഷം ഡ്രിങ്കിലേക്ക് ആവശ്യമായ ചെറുപഴം, നേന്ത്രപ്പഴം, ആപ്പിൾ, മുന്തിരി എന്നിവ ചെറുതായി അരിഞ്ഞെടുത്തതും അനാറും റെഡിയാക്കി വയ്ക്കുക. ഈയൊരു കൂട്ടുകൂടി അരച്ചുവച്ച പാലിന്റെ കൂട്ടിലേക്ക് മിക്സ് ചെയ്ത് നല്ലതുപോലെ ഇളക്കി എടുക്കണം. ശേഷം മധുരത്തിന് ആവശ്യമായ മിൽക്ക് മേയ്ഡും ഒരു വലിയ കരണ്ടിയുടെ അളവിൽ നന്നാരി സർബത്തും പാലിലേക്ക് ചേർത്ത് നല്ലതുപോലെ ഇളക്കി കൊടുക്കുക. രുചി കൂട്ടാനായി അല്പം സബ്ജ സീഡ് കൂടി വെള്ളത്തിൽ കുതിർത്തി ചേർത്തു കൊടുക്കാവുന്നതാണ്. സബ്ജാ സീഡ് ഉപയോഗിക്കുന്നുണ്ടെങ്കിൽ കുറഞ്ഞത് ഒരു മണിക്കൂർ മുമ്പെങ്കിലും വെള്ളത്തിൽ കുതിരാനായി ഇട്ടുവയ്ക്കാൻ പ്രത്യേകം ശ്രദ്ധിക്കണം.
