അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പെരുമ്പാവൂർ: സംസ്ഥാന പൊതുവിദ്യാഭ്യാസവകുപ്പിനു കീഴിൽ ദേശീയ വിദ്യാഭ്യാസ ഗവേഷണ പരിശീലന സമിതി (എന്‍.സി.ഇ.ആര്‍.ടി) സ്‌കൂൾ തലത്തിൽ നടത്തുന്ന യോഗ ഒളിമ്പ്യാഡ് സംസ്ഥാന ടീമിലേക്ക് തിരഞ്ഞെടുക്കപ്പെട്ടിരിക്കുകയാണ് കൊടുവേലിപ്പടി പുതിയേടത്ത് വീട്ടിൽ നിരജ്ഞന എസ്. നായർ.
ഒക്കൽ ശ്രീനാരായണ ഹയർ സെക്കന്ററി സ്‌കൂളിലെ ഏഴാം ക്ലാസ് വിദ്യാർത്ഥിനിയാണ്. പരിശീലകൻ ഹരികുമാറിന് കീഴിൽ യോഗ അഭ്യസിക്കുന്ന നിരഞ്ജനയുടെ റവന്യൂ ജില്ലാതല മത്സരത്തിലെ മികവ് പരിഗണിച്ചാണ് സംസ്ഥാന ടീമിലേയ്ക്ക് തിരഞ്ഞെടുത്തത്.
ടാക്സ് കൺസൾട്ടന്റ് പി. എൻ. സന്ദീപിന്റെയും കെ.എസ്.ഇ.ബി.യിൽ ഉദ്യോഗസ്ഥയായ അനിത സുന്ദരന്റെയും മകളാണ്. നക്ഷത്രയാണ് സഹോദരി. കൊടുവേലിപ്പടി ദേവീവിലാസം എൻ.എസ്.എസ്. കരയോഗാംഗമായ നിരജ്ഞനയെ കുന്നത്തുനാട് താലൂക്ക് എൻ.എസ്.എസ്. കരയോഗ യൂണിയനും ഒക്കൽ പീക്കോക്ക്സ് ആർട്ട്സ് ആൻഡ് സ്പോർട്സ് ക്ലബ്ബും ആദരിച്ചു. ഒക്ടോബർ 5നും 6നുമാണ് സംസ്ഥാനതല മത്സരം.
STORY HIGHLIGHT: State School Yoga Olympiad team
