പച്ച നിറമുള്ള തുണികൊണ്ട് പൊതിഞ്ഞ് ആശുപത്രി കട്ടിലില്‍ കിടക്കുന്നത് ഒരു മൃതദേഹമാണെന്ന് വ്യക്തമാണ്. ഈ ഫോട്ടോ ഇപ്പോള്‍ സോഷ്യല്‍ മീഡിയയില്‍ വൈറലാണ്. സഖാവ് സീതാറാം യെച്ചൂരിയുടെ മൃതദേഹത്തിന് ചുറ്റും അന്തിമോപചാരം അര്‍പ്പിക്കുന്ന ഡല്‍ഹി എയിംസിലെ ഡോക്ടര്‍മാരും ആരോഗ്യപ്രവര്‍ത്തകരും എന്ന അടിക്കുറിപ്പോടെയാണ് ഈ ഫോട്ടോ പ്രചരിക്കുന്നത്. ബംഗാളിലെ സിപിഐ(എം) മുഖപത്രമായ ഗണശക്തിയും അതിന്റെ സെപ്തംബര്‍ 17ലെ പതിപ്പില്‍ ഈ ഫോട്ടോ പ്രസിദ്ധീകരിച്ചു, അതിലും പച്ച തുണിയില്‍ പൊതിഞ്ഞ മൃതദേഹത്തിന് മുന്നില്‍ ഡോക്ടര്‍മാര്‍ തല കുനിച്ച് ആദരാഞ്ജലികൾ അർപ്പിക്കുന്നതായി വ്യക്തമാക്കിയിട്ടുണ്ട്.
ഡല്‍ഹിയിലെ ഓള്‍ ഇന്ത്യ ഇന്‍സ്റ്റിറ്റിയൂട്ട് ഓഫ് മെഡിക്കല്‍ സയന്‍സസില്‍ (എയിംസ്) മൃതദേഹം ദാനം ചെയ്ത അന്തരിച്ച സിപിഐ(എം) ജനറല്‍ സെക്രട്ടറി സീതാറാം യെച്ചൂരിക്ക് ഡോക്ടര്‍മാര്‍ ആദരാഞ്ജലികള്‍ അര്‍പ്പിക്കുന്നു എന്ന അവകാശവാദവുമായി ഫോട്ടോയും സോഷ്യല്‍ മീഡിയയില്‍ വൈറലാണ്. മൃതദേഹം മെഡിക്കല്‍ വിദ്യാര്‍ത്ഥികള്‍ക്ക് പഠനത്തിന് നനല്‍കിയിട്ടുണ്ടെന്നും വ്യക്തമാക്കിയിട്ടുണ്ട്.
എന്താണ് സത്യാവസ്ഥ?
ഗൂഗിളില്‍ ചിത്രം സംബന്ധിച്ച വിവരങ്ങള്‍ സെര്‍ച്ച് ചെയ്ത് നോക്കിയപ്പോള്‍ സംഭവം നടന്നത് ഇന്ത്യയില്‍ അല്ലെന്ന് മനസിലാക്കാന്‍ സാധിച്ചു. ചൈനീസ് സര്‍ക്കാര്‍ നടത്തുന്ന ഇംഗ്ലീഷ് ഭാഷാ മാധ്യമ ഔട്ട്‌ലെറ്റ് ചൈന ഗ്ലോബല്‍ ടെലിവിഷന്‍ നെറ്റ്‌വര്‍ക്കിന്റെ വെബ് പോര്‍ട്ടലായ CGTN.com ലെ 2016 സെപ്റ്റംബര്‍ 30ലെ ഒരു വാര്‍ത്താ റിപ്പോര്‍ട്ട് ലഭിച്ചു. ടിബറ്റില്‍ സന്നദ്ധസേവനം നടത്തുന്നതിനിടെ ചൈനീസ് ഡോക്ടര്‍ മരിച്ചു, അവയവങ്ങള്‍ ദാനം ചെയ്തു എന്നാണ് റിപ്പോര്‍ട്ടിന്റെ തലക്കെട്ട് . വാര്‍ത്താ ലേഖനത്തില്‍ മുൻപ് സൂചിപ്പിച്ച വൈറൽ ചിത്രവുമുണ്ട്.
ചൈനയിലെ അന്‍ഹുയി പ്രവിശ്യയുടെ തലസ്ഥാനമായ ഹെഫെയ് സിറ്റിയിലെ ഒരു ആശുപത്രിയില്‍ നിന്നുള്ളതാണ് ചിത്രം, അന്‍ഹുയിയില്‍ നിന്നുള്ള 41 കാരനായ ഷാവോ ജു എന്ന ഡോക്ടറോട് ഡോക്ടര്‍മാര്‍ ആദരവ് പ്രകടിപ്പിച്ചതായി റിപ്പോര്‍ട്ട് പറയുന്നു. തന്റെ നിര്‍ഭാഗ്യകരമായ മരണത്തിന് രണ്ട് മാസം മുമ്പ് മറ്റ് ഒരു കൂട്ടം ഡോക്ടര്‍മാരോടൊപ്പം ടിബറ്റ് സ്വയംഭരണ മേഖലയിലെ ഷാനനില്‍ ജോലി ചെയ്യാന്‍ ഷാവോ സന്നദ്ധനായിരുന്നു. ഷാവോയുടെ കുടുംബം അദ്ദേഹത്തിന്റെ ശ്രേഷ്ഠമായ അന്ത്യാഭിലാഷങ്ങളെ മാനിക്കുകയും വൃക്കകളും കരളും കോര്‍ണിയയും ദാനം ചെയ്യുകയും ചെയ്തുവെന്നും ലേഖനം കൂട്ടിച്ചേര്‍ക്കുന്നു.
ചൈനീസ് മാധ്യമ സ്ഥാപനം അതേ ദിവസം തന്നെ ഫേസ്ബുക്കില്‍ നിരവധി പേര്‍ക്കൊപ്പം ഫോട്ടോ പങ്കിട്ടു. പോസ്റ്റ് ഇപ്രകാരമായിരുന്നു, ഷാവോയുടെ കുടുംബം അദ്ദേഹത്തിന്റെ ശ്രേഷ്ഠമായ അന്ത്യാഭിലാഷങ്ങളെ മാനിക്കുകയും വൃക്കകളും കരളും കോര്‍ണിയയും ദാനം ചെയ്യുകയും ചെയ്തു. അന്‍ഹുയി പ്രവിശ്യയുടെ തലസ്ഥാനമായ ഹെഫെയ് സിറ്റിയിലെ ഒരു ആശുപത്രിയില്‍ ഷാവോയ്ക്ക് ആദരാഞ്ജലികള്‍ അര്‍പ്പിക്കുന്ന സഹ ഡോക്ടര്‍മാരെ ഫോട്ടോ എടുത്തിരിക്കുന്നു. ഷാവോയുടെ മരണത്തെക്കുറിച്ചുള്ള മറ്റ് വാര്‍ത്താ റിപ്പോര്‍ട്ടുകളും ഞങ്ങള്‍ കണ്ടെത്തി, അതില്‍ അദ്ദേഹം ഉപയോഗയോഗ്യമായ എല്ലാ അവയവങ്ങളും ദാനം ചെയ്തുവെന്ന് പരാമര്‍ശിച്ചു. 2016 ഡിസംബര്‍ 28ന് പ്രസിദ്ധീകരിച്ച ഇഏഠചന്റെ മറ്റൊരു ഫീച്ചര്‍ സ്‌റ്റോറിയിലും ഇതേ ഫോട്ടോ ഉപയോഗിച്ചിട്ടുണ്ട് , ‘സാംസ്‌കാരിക പാരമ്പര്യങ്ങള്‍, ചൈനയുടെ അവയവദാന പ്രതിസന്ധിക്ക് പിന്നില്‍ അവിശ്വാസം’ എന്ന തലക്കെട്ടില്‍.
സെപ്തംബര്‍ 18 ന്, തെറ്റായ ഫോട്ടോ പ്രസിദ്ധീകരിച്ചതിന് ക്ഷമ ചോദിച്ചുകൊണ്ട് ഗണശക്തി വാര്‍ത്ത നല്‍കിയിരുന്നു. ചുരുക്കത്തില്‍, അന്തരിച്ച സിപിഐ (എം) നേതാവ് സീതാറാം യെച്ചൂരിക്ക് എയിംസിലെ ഡോക്ടര്‍മാരുടെ അന്ത്യോപചാരം എന്ന നിലയില്‍ വൈറലായ ഫോട്ടോ ചൈനയില്‍ നിന്നാണ്, 2016. അന്തരിച്ച ഡോ. ഷാവോ ജുവിന്റെ മൃതദേഹത്തിന് മുന്നില്‍ ഡോക്ടര്‍മാര്‍ അന്ത്യാഞ്ജലി അര്‍പ്പിക്കുന്നതാണ് ഫോട്ടോയെന്ന് കണ്ടെത്തി.