അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ചെന്നൈ: തമിഴ്‌നാട്ടിൽ ക്ഷേത്രത്തിനുള്ളിൽ വെച്ച് പെൺകുട്ടിയെ പീഡിപ്പിച്ച പൂജാരി അറസ്റ്റിൽ. 70കാരനായ തിലഗർ എന്ന പൂജാരിയാണ് അറസ്റ്റിലായത്. ഇയാള്‍ക്കെതിരെ പോക്‌സോ നിയമപ്രകാരം കേസെടുത്തിട്ടുണ്ട്.
ക്ഷേത്രത്തിന് പുറത്ത് കളിക്കുകയായിരുന്ന ചില കുട്ടികളെ പൂജാരി മധുരം വിളമ്പി ക്ഷേത്രപരിസരത്തേക്ക് എത്തിച്ചു. തുടർന്ന് ഇയാൾ പെൺകുട്ടിയെ ലൈംഗികമായി പീഡിപ്പിക്കുകയായിരുന്നു. പെൺകുട്ടി വിവരം അറിയിച്ചതിനെ തുടർന്ന് മാതാപിതാക്കളും ബന്ധുക്കളും മറ്റ് നാട്ടുകാരും ക്ഷേത്രത്തിന് പുറത്ത് തടിച്ചുകൂടി.
ആക്രമണം ഭയന്ന് പ്രതി വാതിൽ പൂട്ടി അകത്ത് തന്നെ തുടരുകയായിരുന്നു. സംഘർഷാവസ്ഥ രൂക്ഷമായതോടെ പൊലീസ് സ്ഥലത്തെത്തി തിലഗറിനെ കസ്റ്റഡിയിലെടുത്തു.
