അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കല്‍പ്പറ്റ: വയനാട്ടില്‍ വന്‍ ലഹരിമരുന്ന് വേട്ട. സംഭവത്തില്‍ ബാംഗ്ലൂര്‍ സ്വദേശി രാഹുല്‍ റായ് എന്ന യുവാവിനെ എക്‌സൈസ് അറസ്റ്റ് ചെയ്തു. ആഢംബര കാറില്‍ കടത്തുകയായിരുന്ന 276 ഗ്രാം മാജിക് മഷ്‌റൂം, 13 ഗ്രാം കഞ്ചാവ്, 6.59 ഗ്രാം ചരസ് എന്നീ ലഹരി വസ്തുക്കളാണ് എക്‌സൈസ് പിടിച്ചെടുത്തത്.
പ്രതിയെ റിമാന്‍ഡ് ചെയ്തു. കേരളത്തില്‍ ആദ്യമായിട്ടാണ് ഇത്രയധികം മാജിക് മഷ്‌റൂം പിടികൂടുന്നത്. പ്രതി ബാംഗ്ലൂരില്‍ മാജിക് മഷ്‌റൂം കൃഷി നടത്തുന്നുണ്ടെന്നാണ് എക്‌സൈസിന്റെ സംശയം. അതിര്‍ത്തി ചെക്ക് പോസ്റ്റിലെ വാഹന പരിശോധനക്കിടയിലാണ് ഈ ലഹരിവസ്തക്കുള്‍ പിടിച്ചെടുത്തത്.
യുവാവ് സ്വന്തമായി മാജിക് മഷ്‌റൂം നിര്‍മ്മിച്ച് വിവിധ സംസ്ഥാനങ്ങളിലേക്കും വിദേശത്തേക്കും കയറ്റി അയക്കാനായി മംഗലാപുരത്തേക്ക് കൊണ്ടുപോവുകയായിരുന്നുവെന്ന് കണ്ടെത്തിയിട്ടുണ്ട്. കേസില്‍ കൂടുതല്‍ പ്രതികള്‍ക്കായി അന്വേഷണം നടക്കുകയാണ്. 20 വര്‍ഷം തടവും രണ്ട് ലക്ഷം രൂപ പിഴയും വരെ ലഭിക്കുന്ന കുറ്റമാണിത്.
