അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കണ്ണൂർ: കണ്ണൂർ തളിപ്പറമ്പിൽ നിന്ന് കാണാതായ കുട്ടിയെ കണ്ടെത്തി. കോഴിക്കോട് റെയിൽവേ സ്റ്റേഷനിൽ വെച്ച് പരശുറാം എക്സ്പ്രസിൽ നിന്നാണ് പൂക്കോത്ത് തെരുവിലെ 14 വയസുകാരനെ റെയിൽവേ പൊലീസ് കണ്ടെത്തിയിരിക്കുന്നത്. കുട്ടിയുമായി പോലീസ് കണ്ണൂരിലേക്ക് പുറപ്പെട്ടു.
ഇന്നലെ വൈകിട്ട് മുതലാണ് കുട്ടിയെ കാണാതാകുന്നത്. പരാതി ലഭിച്ചതിനെ തുടര്‍ന്ന് കുട്ടിക്കായി പൊലീസ് അന്വേഷണം ഊര്‍ജിതമാക്കിയിരുന്നു. കാണാതായ സമയം സ്കൂൾ യൂണീഫോമിലായിരുന്നു കുട്ടി.
ബന്ധുവീട്ടിലേക്ക് പോകുകയാണെന്ന് പറഞ്ഞാണ് കുട്ടി സുഹൃത്തുക്കളുടെ അടുത്തുനിന്ന് മടങ്ങിയത്. തുടർന്ന് ഇന്നലെ പലയിടങ്ങളിലും തെരച്ചിൽ നടത്തിയെങ്കിലും കുട്ടിയെ കണ്ടെത്താനായിരുന്നില്ല.
ഇന്ന് രാവിലെ 11 മണിക്ക് ഇന്‍സ്റ്റയില്‍ നിന്ന് അമ്മയ്ക്ക് കുട്ടി മെസേജയച്ചിരുന്നു. താന്‍ സേഫാണെന്നും ഉടന്‍ മടങ്ങിവരുമെന്നുമാണ് അറിയിച്ചത്. ഉച്ചയോടു കൂടി വീഡിയോ കോള്‍ ചെയ്തു. മലപ്പുറത്തുണ്ടെന്നും ട്രെയിനില്‍ വരികയാണെന്നും പറ‌ഞ്ഞതിന്‍റെ അടിസ്ഥാനത്തിലാണ് റെയില്‍വേ പൊലീസ് തെരഞ്ഞതും കുട്ടിയെ കണ്ടെത്തിയതും.
