അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ലുക്മാൻ അവറാനെ കേന്ദ്ര കഥാപാത്രമാക്കി അക്ഷയ് അശോക് തിരക്കഥയെഴുതി സംവിധാനം ചെയ്യുന്ന ‘കുണ്ടന്നൂരിലെ കുത്സിതലഹള’ എന്ന ചിത്രം റിലീസിനൊരുങ്ങുന്നു. കേഡര്‍ സിനി ക്രിയേഷൻസിന്റെ ബാനറിൽ അജി പി ജോസ് ആണ് ചിത്രത്തിന്റെ നിർമാണം. ചിത്രം ഒക്‌ടോബർ 24 ന് തിയേറ്ററിൽ എത്തും.
നേരത്തെ ട്രെയിലർ പുറത്തുവന്നത് മുതൽ തന്നെ ചിത്രം ഏറെ ചർച്ചാ വിഷയമായിരുന്നു. കഴിഞ്ഞ ഡിസംബറിൽ റിലീസായ ചിത്രത്തിന്റെ ട്രെയ്‌ലർ യൂട്യൂബിൽ ഒരു മില്ല്യൺ കാഴ്ചക്കാർ കടന്നിരുന്നു. കുണ്ടന്നൂർ എന്ന ഗ്രാമത്തിലെ സാധാരണക്കാരായ മനുഷ്യരുടെ രസകരമായ കഥയാണ് ചിത്രം പറയുന്നത്.
ജെയിൻ ജോർജ്,സുനീഷ് സാമി,പ്രദീപ് ബാലൻ,ദാസേട്ടൻ കോഴിക്കോട്, സെൽവരാജ്, ബേബി,മേരി,അനുരദ് പവിത്രൻ,അധിൻ ഉള്ളൂർ,സുമിത്ര,ആദിത്യൻ എന്നിവർക്കൊപ്പം നിരവധി പുതുമുഖങ്ങളും ഈ ചിത്രത്തിൽ വേഷമിടുന്നു. ഫജു എ വിയാണ് ചിത്രത്തിന്റെ ഛായാഗ്രഹണം നിർവ്വഹിച്ചിരിക്കുന്നത്. മെൽവിൻ മൈക്കിളിന്റെ സംഗീത്തിന് അക്ഷയ് അശോക്, ജിബിൻ കൃഷ്ണ, മുരുകൻ മന്ദിരം എന്നിവരാണ് വരികൾ എഴുതിയത്.
STORY HIGHLIGHT: kundanurs kutsitalahala is coming to the show
