പെട്രോളടിക്കാൻ പോലും കാശില്ലാതിരുന്ന ആ കാലം എത്രത്തോളം സങ്കീർണമായിരുന്നു? തഗ്ഗ് മറുപടിയുമായി ടൊവിനോ –

സ്റ്റൈലിഷ് ലുക്ക് കൊണ്ടും അഭിനയ ശൈലികൊണ്ടും പ്രേക്ഷകരുടെ ഹൃദയത്തിൽ പ്രത്യേക സ്ഥാനം നേടിയെടുത്ത താരമാണ് ടോവിനോ തോമസ്. ചലച്ചിത്ര രംഗത്ത് മാത്രമല്ല സാമൂഹ്യ സേവന രംഗത്തും സൂപ്പർ ഹീറോയാണ് താരം. തഗ്ഗ് മറുപടികളിലൂടെ എന്നും ടോവിനോ മാധ്യമ ശ്രദ്ധ ആകർഷിക്കാറുണ്ട്. ടോവിനോ കേന്ദ്ര കഥാപാത്രത്തെ അവതരിപ്പിച്ച അജയന്റെ രണ്ടാം മോഷണം എന്ന ചിത്രത്തിലെ താരത്തിന്റെ കഥാപാത്രത്തെ പ്രേക്ഷകർ ഇരുകൈയുംനീട്ടിയാണ് സ്വീകരിച്ചത്.

ഒരു അഭിമുഖത്തിലൂടെ തന്റെ അഭിനയ ജീവിതത്തിലെ സങ്കീർണതകളെ കുറിച്ച് തുറന്നു പറയുകയായിരുന്നു ടോവിനോ തോമസ്. ‘പെട്രോളടിക്കാൻ പോലും കാശില്ലാതിരുന്ന ആ കാലം എത്രത്തോളം സങ്കീർണമായിരുന്നു എന്ന ചോദ്യത്തിന് വളരെ സങ്കീർണമായിരുന്നു എന്നാൽ ഇപ്പോൾ പെട്രോൾ അടിക്കാനുള്ള കാശുണ്ടെന്നും താരം രസകരമായ മറുപടി നൽകിയെങ്കിലും; ജീവിത വിജയങ്ങൾ മാത്രമാണ് ആളുകൾ കാണുന്നതെന്നും പരാജയങ്ങൾ ആരും കാണുന്നില്ലെന്നും ടോവിനോ പറഞ്ഞു.

‘നമ്മൾ എന്താണോ കാണിക്കുന്നത് അതുമാത്രമാണ് ആളുകൾ കാണുന്നത്. നമ്മൾ നമ്മളുടെ ജീവിത വിജയങ്ങൾ മാത്രമേ പുറമേ കാണിക്കുന്നുള്ളൂ. നമ്മളുടെ പരാജയ പരിശ്രമങ്ങൾ ആരും കാണുന്നില്ല. അതുകൊണ്ടാണ് ആളുകൾക്ക് ഇതിന്റെ പിന്നിലുള്ള അധ്വാനം അറിയാതെ പോകുന്നത്. കാരണം, അവർ റിസൾട്ട് മാത്രമാണ് കാണുന്നത്. നമ്മളുടെ പരാജയവും ശ്രമങ്ങളും കാണാത്തിടത്തോളം എളുപ്പമുള്ള പരിപാടിയാണ് അഭിനയം എന്ന് തോന്നും. ഓൺ സ്ക്രീനിൽ എന്താണോ കാണുന്നത് അതുമാത്രം അറിയേണ്ട കാര്യമേ ഉള്ളൂ ആളുകൾക്ക്. എന്നാൽ ഇതത്ര എളുപ്പമുള്ള പരിപാടിയല്ല. പുറത്തിറങ്ങുമ്പോൾ എല്ലാവരുടെ കൂടെ നിന്നും സെൽഫി എടുക്കണം എന്ന് ആഗ്രഹം ഉണ്ടെങ്കിൽ പോലും അത് നടക്കില്ല. ഇങ്ങനെ ആളുകളെ മാനേജ്‍ ചെയ്യുന്നു,ഡേറ്റ് മാനേജ്‍ ചെയ്യുന്നു, ശമ്പളം സംസാരിക്കുന്നതുമല്ല എന്റെ പ്രധാനപ്പെട്ട ജോലി. അഭിനയമാണ് പ്രധാനം. അഭിനയം ഞാൻ വളരെ എൻജോയ് ചെയ്യുന്ന ജോലിയാണ്.’ എന്ന് ടോവിനോ പറഞ്ഞു.

ചുറ്റുമുള്ള കാര്യങ്ങളിൽ ശ്രദ്ധ ചെലുത്തുമ്പോൾ. അഭിനയത്തിൽ ശ്രദ്ധ കുറയാതിരിക്കാൻ ചേട്ടനും മാനേജറും ചേർന്ന് സപ്പോർട്ട് ചെയ്യുന്നതുകൊണ്ട് മാത്രമാണ് അഭിനയം നല്ല രീതിയിൽ മുന്നോട്ട് പോകുന്നത് എന്നും ടോവിനോ കൂട്ടിച്ചേർത്തു.

STORY HIGHLIGHT: tovino Thomas