അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ലിജോ ജോസ് പെല്ലിശ്ശേരി അവതരിപ്പിക്കുന്ന ‘പല്ലൊട്ടി 90സ് കിഡ്സി’ലെ ഏറ്റവും പുതിയ ഗാനം പുറത്തിറങ്ങി. ‘പൂത കഥ’ എന്ന ഗാനമാണ് പുറത്തിറങ്ങിയിരിക്കുന്നത്. ആലാപന മികവുകൊണ്ടും ദൃശ്യ മനോഹാരിത കൊണ്ടും ഒരു മുത്തശ്ശിക്കഥയെ അനുസ്മരിപ്പിക്കുന്ന മനോഹരമായ ഗാനമാണ് ‘പൂത കഥ’. മണികണ്ഠൻ അയ്യപ്പയുടെ വരികൾക്ക് ശ്രെയാ രാഘവ് ആലപിച്ച ഗാനമാണിത്. ‘പല്ലൊട്ടി 90 ‘s കിഡ്സ്’ ചിത്രം ഒക്ടോബർ 25 ന് പുറത്തിറങ്ങും.
സിനിമാ പ്രാന്തൻ പ്രൊഡക്ഷൻസിന്റെ ബാനറിൽ നടനും സംവിധായകനുമായ സാജിദ് യഹിയ, നിതിൻ രാധാകൃഷ്ണൻ എന്നിവർ നിർമ്മിച്ച് നവാഗതനായ ജിതിൻ രാജ് സംവിധാനം ചെയുന്ന ചിത്രമാണിത്. ‘പല്ലൊട്ടി 90 ‘s കിഡ്സ്’ തിരക്കഥ ഒരുക്കിയിരിക്കുന്നത് ദീപക് വാസൻ ആണ്.
മാസ്റ്റർ ഡാവിഞ്ചി സന്തോഷ്, മാസ്റ്റർ നീരജ് കൃഷ്‌ണ എന്നിവർ പ്രധാന കഥാപാത്രങ്ങളായി എത്തുന്ന ചിത്രത്തിൽ മലയാളത്തിന്റെ പ്രിയതാരങ്ങളായ അർജുൻ അശോകൻ, ബാലു വർഗീസ് സൈജു കുറുപ്പ്, നിരഞ്ജന അനൂപ് സുധി കോപ്പ,ദിനേഷ് പ്രഭാകർ, വിനീത് തട്ടിൽ,അബു വളയംകുളം എന്നിവരും ശ്രദ്ധേയ വേഷങ്ങളിൽ എത്തുന്നു. ഷാരോൺ ശ്രീനിവാസ് ചിത്രത്തിന്റെ ക്യാമറയും രോഹിത് വാരിയത് എഡിറ്റിങ്ങും നിർവഹിക്കുന്നു.
STORY HIGHLIGHT: pallotty 90 s kids movie pootha kadha video song out
