ആരാധകര്‍ ആകാംഷയോടെ കാത്തിരിക്കുന്ന നടൻ കാര്‍ത്തിയെയും എവർ ഗ്രീൻ ഡ്രീം ബോയ് അരവിന്ദ് സ്വാമിയെയും കേന്ദ്ര കഥാപാത്രങ്ങളാക്കി ചെയ്ത ‘മെയ്യഴകന്’ എന്ന ചിത്രത്തിലെ വീഡിയോ ഗാനം പുറത്തിറക്കി. ‘യാരോ ഇവന്‍ യാരോ’ എന്ന വൈകാരികത നിറഞ്ഞ ഗാനം ചിത്രത്തിനായി ആലപിച്ചിരിക്കുന്നത് ഉലകനായകൻ കമൽഹാസനാണ്. ഗാനം എഴുതിയിരിക്കുന്നത് ഉമാ ദേവി. ഗോവിന്ദ് വസന്തയുടേതാണ് സംഗീതം. കമൽഹാസൻ ആലപിച്ച ഈ ഗാനത്തിന് മികച്ച അഭിപ്രായമാണ് പ്രേക്ഷകരിൽ നിന്നും ലഭിക്കുന്നത്.
കാർത്തി, അരവിന്ദ് സ്വാമി എന്നിവരെ കേന്ദ്ര കഥാപാത്രങ്ങളാക്കി പ്രേംകുമാർ സംവിധാനം ചെയ്ത ഫീൽ ഗുഡ് ഡ്രാമ ചിത്രമായിരുന്നു മെയ്യഴകൻ. മികച്ച പ്രേക്ഷക പ്രതികരണം നേടിയ സിനിമ തിയേറ്ററിൽ അർഹിച്ച വിജയം കൈവരിച്ചില്ല. നെറ്റ്ഫ്ലിക്സിലൂടെ ചിത്രം ഒടിടിയിൽ ഇന്ന് സ്ട്രീമിങ് ആരംഭിച്ചു. ഈ വർഷമിറങ്ങിയതിൽ ഏറ്റവും മികച്ച ചിത്രമാണ് മെയ്യഴകനെന്നാണ് ആരാധകരുടെ വിലയിരുത്തൽ. നടൻ സൂര്യയും ജ്യോതികയും ചേർന്നാണ് ചിത്രം നിർമിച്ചിരിക്കുന്നത്.
ചിത്രത്തിൽ രാജ്കുമാര്‍, ദേവദര്‍ശിനി, ഇന്ദുമതി മണികണ്ഠന്‍, റാണി സംയുക്ത, കായല്‍ സുബ്രമണി, ശ്രീ ദിവ്യ, സ്വാതി കൊണ്ടേ, ജയപ്രകാശ്, ശ്രീരഞ്ജിനി, ഇളവരസ്, കരുണാകരന്‍, ശരണ്‍ ശക്തി, റൈച്ചല്‍ റെബേക്ക, മെര്‍ക്ക് തൊടര്‍ച്ചി മലൈ ആന്‍റണി തുടങ്ങിയവരും പ്രധാനവേഷങ്ങളിൽ അഭിനയിക്കുന്നു. സെപ്റ്റംബർ 27 നായിരുന്നു മെയ്യഴകൻ തിയേറ്ററിലെത്തിയത്.
STORY HIGHLIGHT: Kamal Haasan’s Powerful Vocals Back Yaaro Ivan Yaaro Song From Meiyazhagan