അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കൊച്ചി: പെരുമ്പാവൂരില്‍ വന്‍ സ്പിരിറ്റ് വേട്ട. തവിടിന്റെ ഇടയില്‍ വെച്ച് കടത്താന്‍ ശ്രമിച്ച സ്പിരിറ്റാണ് പിടിച്ചെടുത്തത്. സംഭവത്തില്‍ രണ്ട് പേരെ കസ്റ്റഡിയില്‍ എടുത്തു. എക്‌സൈസ് എന്‍ഫോഴ്‌സ്‌മെന്റാണ് ഇവരെ പിടികൂടിയത്. കോട്ടക്കല്‍ സ്വദേശി ബാബു, ചാലക്കുടി സ്വദേശി വിനോദ് എന്നിവരെയാണ് കസ്റ്റഡിയിലെടുത്തത്.
54 കന്നാസ് സ്പിരിറ്റാണ് എക്‌സൈസ് പിടികൂടിയത്. ഇത് ഏകദേശം ആയിരത്തി എണ്ണൂറ് ലിറ്ററിലേറെ സ്പിരിറ്റ് ഉണ്ടാകുമെന്ന് സ്റ്റേറ്റ് എക്‌സൈസ് എന്‍ഫോഴ്‌സ്‌മെന്റ് സ്‌ക്വാഡ് അറിയിച്ചു. കോട്ടയത്തേക്കുള്ള ലോഡ് ആണ് പിടിച്ചെടുത്തത്.
രഹസ്യ വിവരത്തെ തുടര്‍ന്നായിരുന്നു ലോറി പരിശോധിച്ചത്. കര്‍ണാടകയിലെ ഹുബ്ലിയില്‍ നിന്നുള്ള ലോഡ് ആണെന്ന് ഇവര്‍ എക്‌സൈസ് ഉദ്യോഗസ്ഥരോട് സമ്മതിച്ചതായാണ് പുറത്തു വരുന്ന വിവരം.
