അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഏവരും കാത്തിരുന്ന ദേവരയിലെ സൂപ്പർ ഹിറ്റ് ഗാനം ‘ചുട്ടമല്ലെ..’യുടെ വീഡിയോ റിലീസ് ചെയ്തു. അനിരുദ്ധ് സംഗീതം നൽകിയ ചിത്രത്തിലെ ഗാനം ഇതിനോടകം പ്രേക്ഷകർ ഇരുകയ്യും നീട്ടി സ്വീകരിച്ചു. മുൻപ് പുറത്തിറങ്ങിയ ഗാനത്തിന്റെ ലിറിക് വീഡിയോ ഏറെ പ്രേക്ഷക ശ്രദ്ധ നേടിയിരുന്നു. റീലുകളിൽ ഇടം പിടിച്ച് ശ്രദ്ധേയമായ ഈ ഗാനം ആലപിച്ചിരിക്കുന്നത് ശില്പ റാവു ആണ്. സെപ്റ്റംബര്‍ 27ന് റിലീസ് ചെയ്ത ചിത്രമാണ് ദേവര.
കൊരട്ടല ശിവയും എൻടിആറും ജനതാ ഗാരേജിന് ശേഷം ഒരുമിക്കുന്ന ചിത്രത്തിൽ സെയ്ഫ് അലി ഖാനും പ്രധാന വേഷത്തിൽ എത്തിയിരുന്നു. കൂടാതെ ജാന്‍വിയുടെ ആദ്യ തെലുങ്ക് ചിത്രം കൂടിയാണ് ദേവര. റിലീസ് ദിനം ബോക്സ് ഓഫീസിൽ നിന്നും 172 കോടിയാണ് ദേവര കളക്ട് ചെയ്തത്. ‘ജനത ഗ്യാരേജി’ന് ശേഷം കൊരട്ടല ശിവയും എൻടിആറും ഒരിക്കൽ കൂടി ഒന്നിച്ച ചിത്രം കൂടിയാണ് ‘ദേവര’.
പ്രകാശ്‌ രാജ്, ശ്രീകാന്ത് മേക്ക, ഷൈന്‍ ടോം ചാക്കോ, നരൈന്‍ തുടങ്ങി ഒട്ടനവധി അഭിനേതാക്കള്‍ ചിത്രത്തിന്റെ ഭാഗമായിരുന്നു. ദുൽഖർ സൽമാൻ്റെ വേഫറർ ഫിലിംസാണ് ചിത്രം കേരളത്തിൽ വിതരണത്തിനെത്തിച്ചത്.
STORY HIGHLIGHT: junior ntr movie devara chuttamalle video song
