അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ബോളിവുഡിൽ ഏറെ കോലാഹലം സൃഷ്ടിച്ച് വിവാദമായ പ്രണയങ്ങളിൽ ഒന്നായിരുന്നു മലൈക അറോറയും അർജുൻ കപൂറും തമ്മിലുള്ള ബന്ധം. സാമൂഹികമാധ്യമങ്ങളിൽ വേട്ടയാടപ്പെട്ട കമിതാക്കളായിരുന്നു ഇരുവരും. പ്രായത്തിന്റെ പേരിലും പ്രണയത്തിന്റെ പേരിലും വിവാഹമോചനം നേടിയപ്പോഴുമൊക്കെ കടുത്ത സൈബര്‍ ആക്രമണമാണ് മലൈക നേരിട്ടത്. സൽമാൻ ഖാന്റെ സഹോദരൻ അർബാസ് ഖാനെയാണ് മലൈക ആദ്യം വിവാഹം ചെയ്തത്. ഇപ്പോഴിതാ നീണ്ട അഞ്ചുവര്‍ഷത്തെ പ്രണയത്തിന് ശേഷം മലൈകയുമായി വേര്‍പിരിഞ്ഞെന്ന വെളിപ്പെടുത്തലുമായി എത്തിയിരിക്കുകയാണ് അർജുൻ.
അര്‍ജുന്‍ താനിപ്പോള്‍ സിംഗിളാണെന്ന് പരസ്യപ്രഖ്യാപനം നടത്തിയതോടെ ബ്രേക്ക് അപ്പ് അഭ്യൂഹങ്ങള്‍ക്കും അവസാനമായിരിക്കുകയാണ്. അർജുനെക്കാളും പ്രായത്തിൽ മൂത്തതാണ് മലൈക. ഇരുവരും തമ്മിൽ 12 വയസ്സിന്റെ പ്രായവ്യത്യാസമുണ്ട്. ഏതാനും മാസങ്ങളായി ഇരുവരും വേർപിരിഞ്ഞെന്ന രീതിയിലുള്ള അഭ്യൂഹങ്ങൾ ബോളിവുഡിൽ സജീവമായിരുന്നു. മുംബൈയിൽ നടന്ന ദീപാവലി ആഘോഷത്തിനിടെയാണ് ആരധകർക്കു മുന്നിൽ അർജുൻ ഇക്കാര്യം വെളിപ്പെടുത്തിയത്.
View this post on Instagram
രാജ് താക്കറെ ആതിഥേയത്വം വഹിച്ച ദീപാവലി പാർട്ടിയിൽ, ‘സിങ്കം എഗെയ്ൻ’ താരങ്ങളായ അജയ് ദേവ്ഗൺ, ടൈഗർ ഷ്രോഫ്, സംവിധായകൻ രോഹിത് ഷെട്ടി എന്നിവരും പങ്കെടുത്തിരുന്നു. ആൾക്കൂട്ടത്തിൽ നിന്ന് ആരാധകർ മലൈകയുടെ പേര് വിളിച്ചു പറഞ്ഞത് കേട്ടതോടെയാണ്, താൻ സിംഗിളാണെന്ന് അർജുൻ വെളിപ്പെടുത്തിയത്. എന്നാല്‍ ഇതിനെ കുറിച്ച് മലൈക ഇതുവരെ പ്രതികരിച്ചിട്ടില്ല.
STORY HIGHLIGHT: arjun kapoor single break up with malaika arora
