ഉഴുന്നും കശുവണ്ടിയും ഇങ്ങനെ കഴിച്ചു നോക്കിയിട്ടുണ്ടോ?

ചേരുവകൾ

ഉഴുന്ന്
അണ്ടിപ്പരിപ്പ്
ഏലക്ക
ബേക്കിംഗ് സോഡാ
ഉപ്പ്
പഞ്ചസാര
പത്തിരിപ്പൊടി
എണ്ണ

തയ്യാറാക്കുന്ന വിധം

ഈയൊരു സ്നാക്ക് തയ്യാറാക്കാനായി ആവശ്യമായിട്ടുള്ള സാധനങ്ങൾ രണ്ട് കപ്പ് അളവിൽ ഉഴുന്ന്, ആറ് മുതൽ ഏഴെണ്ണം വരെ അണ്ടിപ്പരിപ്പ്, ഒരു ഏലക്ക, ഒരു പിഞ്ച് ബേക്കിംഗ് സോഡാ, ഒരു നുള്ള് ഉപ്പ്, മധുരത്തിന് ആവശ്യമായ പഞ്ചസാര, ഒരു കപ്പ് പത്തിരിപ്പൊടി, വറുത്തെടുക്കാൻ ആവശ്യമായ എണ്ണ ഇത്രയും ചേരുവകൾ മാത്രമാണ്. ആദ്യം തന്നെ ഉഴുന്ന് മൂന്ന് മണിക്കൂർ നേരം വൃത്തിയായി കഴുകി കുതിരാനായി ഇട്ടുവയ്ക്കുക. ഉഴുന്ന് നല്ലതുപോലെ കുതിർന്നു വന്നു കഴിഞ്ഞാൽ വെള്ളം മുഴുവനായും ഊറ്റിക്കളഞ്ഞ് മിക്സിയുടെ ജാറിലേക്ക് ഇടുക. അതിലേക്ക് പഞ്ചസാരയും, ഏലക്കായും ഇട്ട് പേസ്റ്റ് രൂപത്തിൽ അരച്ചെടുക്കുക. അതിനു ശേഷം അണ്ടിപ്പരിപ്പ് കൂടി മാവിലേക്ക് ചേർത്ത് നല്ലതുപോലെ അടിച്ചെടുക്കുക. ഈയൊരു മാവ് ഒരു പാത്രത്തിലേക്ക് ഒഴിച്ച ശേഷം അതിലേക്ക് പത്തിരി പൊടി, ഒരു പിഞ്ച് ബേക്കിംഗ് സോഡ എന്നിവ കൂടി ചേർത്തു കൊടുക്കുക. ഒരു സ്പൂൺ ഉപയോഗിച്ച് മാവ് നല്ലതുപോലെ മിക്സ് ചെയ്യുക. സ്നാക്ക് വറുത്തെടുക്കാൻ ആവശ്യമായ എണ്ണ അടുപ്പത്തുവച്ച് ചൂടായി വരുമ്പോൾ തയ്യാറാക്കി വെച്ച മാവിൽ നിന്നും ചെറിയ ഉരുളകൾ അതിലേക്ക് ഇട്ടു കൊടുക്കുക. രണ്ടുവശവും നല്ലപോലെ മൊരിഞ്ഞു തുടങ്ങുമ്പോൾ സ്നാക്ക് എണ്ണയിൽ നിന്നും കോരി എടുത്തു മാറ്റാവുന്നതാണ്.