അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഡൽഹിയിലെ വായുമലിനീകരണം അതിരൂക്ഷമായതിൽ സങ്കടപ്പെടുന്ന തലസ്ഥാനവാസികൾക്ക് ‘ആശ്വാസവാർത്ത’. ലോകത്തിലെ ഏറ്റവും മോശം വായുനിലവാര സൂചികയുള്ള നഗരം ഡൽഹിയല്ല. അത് പാക്കിസ്ഥാനിലാണ്. പാക്ക് നഗരമായ ലഹോറിൽ ഡൽഹിയേക്കാൾ 6 മടങ്ങ് മോശം വായുവാണ് എന്നാണ് റിപ്പോർട്ട്.
ലഹോറിൽ ഞായറാഴ്ച വായുഗുണനിലവാര സൂചിക 1,900 ആയി ഉയർന്നു ഇത് എക്കാലത്തെയും ഉയർന്ന നിരക്കാണ്. 14 ദശലക്ഷമാണു ലഹോറിലെ ജനസംഖ്യ. ലോകാരോഗ്യ സംഘടന നിശ്ചയിച്ച പരിധിയേക്കാൾ 6 മടങ്ങ് കൂടുതലാണ് ഇവിടെ വായുമലിനീകരണം.
അയൽരാജ്യമായ ഇന്ത്യയിൽനിന്നുള്ള കാറ്റാണു ലഹോറിലെ വായുമലിനീകരണത്തിനു കാരണമെന്നാണു പാക്കിസ്ഥാന്റെ ആരോപണം. ഈ വിഷയത്തിൽ ചർച്ച നടത്തണമെന്ന് ആവശ്യപ്പെട്ട് കേന്ദ്ര സർക്കാരിനു പാക്ക് കത്തയച്ചു. അടിയന്തര നടപടിയുടെ ഭാഗമായി സ്‌കൂളുകൾക്കു സർക്കാർ അവധി നൽകുകയും വർക് ഫ്രം ഹോം രീതി സ്വീകരിക്കാഭരണകൂടം ൻ കമ്പനികളോടു നിർദേശിക്കുകയും ചെയ്തു.
‘പ്രാദേശികവും ആഗോളവുമായ പ്രശ്‌നമെന്ന നിലയിൽ നമുക്കു കാലാവസ്ഥാ നയതന്ത്രം ആവശ്യമാണ്. ഇന്ത്യയിൽനിന്നുള്ള കിഴക്കൻ കാറ്റ് മൂലം ലഹോറിൽ ഞങ്ങൾ ദുരിതം അനുഭവിക്കുകയാണ്. ഇതൊരു സ്വാഭാവിക പ്രതിഭാസമാണ്, ആരെയും കുറ്റപ്പെടുത്തുന്നില്ല’– പരിസ്ഥിതി-കാലാവസ്ഥാ വ്യതിയാന വകുപ്പ് സെക്രട്ടറി രാജ ജഹാംഗീർ അൻവർ പറഞ്ഞു.
ആരോഗ്യത്തിന് ഏറ്റവും ദോഷമുണ്ടാക്കുന്ന വായുവിലെ സൂക്ഷ്മകണികാ പദാർഥവും മാരകവുമായ പിഎം2.5 മലിനീകരണത്തിന്റെ അളവ് 610 ആയി ഉയർന്നു. 24 മണിക്കൂർ കാലയളവിൽ ആരോഗ്യകരമായി ലോകാരോഗ്യ സംഘടന കണക്കാക്കുന്ന 15 എന്ന പരിധിയേക്കാൾ 40 മടങ്ങ് കൂടുതലാണിത്. മലിനീകരണപ്രശ്നം ലഹോർ നിവാസികളുടെ ശരാശരി ആയുർദൈർഘ്യം 7.5 വർഷം കുറയ്ക്കുമെന്നു ഷിക്കാഗോ സർവകലാശാലയിലെ എനർജി പോളിസി ഇൻസ്റ്റിറ്റ്യൂട്ട് അഭിപ്രായപ്പെട്ടു. അതേസമയം, ഡൽഹിയിൽ തിങ്കളാഴ്ച ഉച്ചകഴിഞ്ഞ് വായുഗുണനിലവാര സൂചിക 276 ആയി.
STORY HIGHLIGHT: delhi is not the city with the worst air quality index in the world it is in pakistan
