അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മനോജ് കെ ജയൻ്റെയും ഉർവ്വശിയുടെയും മകൾ തേജലക്ഷ്മി എന്ന കുഞ്ഞാറ്റ പ്രേക്ഷകരുടെ പ്രിയ താരപുത്രി തന്നെയാണ്. ഏറ്റവുമൊടുവില്‍ ഒരു മാഗസിന്‍ കവറിന് വേണ്ടി അമ്മയ്‌ക്കൊപ്പം കുഞ്ഞാറ്റ നടത്തിയ ഫോട്ടോഷൂട്ട് ചിത്രങ്ങൾ വൈറലായിരുന്നു. ഇപ്പോൾ തന്റെ പഴയ കോലവും, ഇപ്പോഴത്തെ മാറ്റവും കൊളാഷ് ചെയ്ത് കുഞ്ഞാറ്റ പങ്കുവച്ച വീഡിയോയാണ് സോഷ്യല്‍ മീഡിയയില്‍ വൈറലാവുകയാണ്.
നല്ല ശരീര വണ്ണമുള്ള രൂപമായിരുന്നു മുന്‍പ് കുഞ്ഞാറ്റയുടേത്. എന്നാല്‍ ഇപ്പോള്‍ മെലിഞ്ഞ് സ്ലിം ബ്യൂട്ടിയായി എന്ന് മാത്രമല്ല, സ്‌റ്റൈലിങിലും ഡ്രസ്സിങിലും എല്ലാം മാറ്റം വന്നു. ‘യാര്‍ടാ അന്ത പയ്യന്‍, നാന്‍ താ അന്ത പയ്യന്‍’ എന്ന പാട്ടിനൊപ്പമാണ് ചിത്രം പോസ്റ്റ് ചെയ്തിരിക്കുന്നത്.
ശരിക്കും ഈ പാട്ട് കുഞ്ഞാറ്റയ്ക്ക് വേണ്ടി ഉണ്ടാക്കിയതാണെന്നാണ് ആരാധകർ കമന്റിലൂടെ പറയുന്നത്. ഇതെന്തൊരു മാറ്റമാണ്, എങ്ങനെ ഇങ്ങനെ മാറാന്‍ സാധിച്ചു, എന്താണ് നിങ്ങളുടെ ഡയറ്റ് പ്ലാന്‍ എന്നൊക്കെ ചോദിച്ച് ആരാധകര്‍ കമന്റില്‍ എത്തുന്നു. കുഞ്ഞാറ്റയുടെ സൗന്ദര്യത്തെ പ്രശംസിച്ചും, സ്‌നേഹം അറിയിച്ചു കൊണ്ടും നിരവധിപേരാണ് എത്തിയിരിക്കുന്നത്.
STORY HIGHLIGHT: amazing transformation of urvashis daughter kunjatta
