അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പാലക്കാട്ടെ കള്ളപ്പണ വിവാദത്തില്‍ നിര്‍ണായക സിസിടിവി ദൃശ്യങ്ങള്‍ പുറത്ത്. വിവാദമായ നീല ട്രോളി ബാഗുമായി ഫെനി നൈനാന് ഹോട്ടലിലേയ്ക്ക് എത്തുന്നത് വീഡിയോയിലുണ്ട്. സി സി ടി വി ദൃശ്യങ്ങളിൽ ഫെനി നൈനാന് പുറമേ രാഹുല്‍ മാങ്കൂട്ടത്തില്‍, ഷാഫി പറമ്പില്‍, വി കെ ശ്രീകണ്ഠന്‍, ജ്യോതികുമാര്‍ ചാമക്കാല എന്നിവരും ഉൾപ്പെട്ടിട്ടുണ്ട്. ഇന്നലെ രാത്രി 10.11 മുതല്‍ 11.30 വരെയുള്ള ദൃശ്യങ്ങളാണ് പുറത്തുവന്നത്.
രാഹുല്‍ മാങ്കൂട്ടത്തിലും ഷാഫി പറമ്പിലും പുറത്തിറങ്ങി സംസാരിക്കുന്നതും. ശേഷം രാഹുല്‍ മടങ്ങുമ്പോള്‍ ജ്യോതി കുമാറും ഷാഫിയും കോണ്‍ഫറന്‍സ് റൂമിലേയ്ക്ക് കയറുന്നതും. ഈ സമയം രാഹുലും ഫെനിയും പുറത്തേയ്ക്കും പോകുന്നതുമുൾപ്പെടെ എല്ലാം പുറത്ത് വന്ന സി സി ടി വി ദൃശ്യങ്ങളിലൂടെ കാണാം.
അതേസമയം പുറത്തു വന്ന ദൃശ്യങ്ങളുടെ അടിസ്ഥാനത്തിൽ കോണ്‍ഫറന്‍സ് ഹാളിലേയ്ക്ക് എന്തിന് പെട്ടി എത്തിച്ചു എന്ന കാര്യം ഇനിയും വ്യക്തമല്ല. വീഡിയോയിൽ ഫെനിയുടെ കയ്യില്‍ നീല ട്രോളി ബാഗിന് പുറമേ മറ്റൊരു ബാഗും കാണാം. എന്നാൽ ബാഗില്‍ എന്താണെന്നുള്ള കാര്യം വ്യക്തമല്ല.
STORY HIGHLIGHT: feny nainan with blue trolly bag in cctv visuals out
