അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പാലക്കാട്ട് കോൺഗ്രസ് നേതാക്കൾ താമസിച്ച കെപിഎം റിജൻസി ഹോട്ടലിലെ കൂടുതൽ സിസിടിവി ദൃശ്യങ്ങൾ പുറത്ത്. നവംബർ 5ന് രാത്രി 10 മുതൽ 11.30 വരെയുള്ള സിസിടിവി ദൃശ്യങ്ങളാണ് സിപിഎം കേന്ദ്രങ്ങൾ പുറത്തുവിട്ടത്. യുഡിഎഫ് സ്ഥാനാർഥി രാഹുൽ മാങ്കൂട്ടത്തിൽ കോഴിക്കോട്ടേക്ക് പോയ വാഹനത്തിൽ അല്ല രണ്ടു ട്രോളി ബാഗുകൾ കൊണ്ടുപോയതെന്നും ബാഗുകൾ മറ്റൊരു വാഹനത്തിലാണ് കൊണ്ടുപോയതെന്നുമുള്ള സിപിഎം വാദം സാധൂകരിക്കുന്ന തരത്തിലുള്ള ദൃശ്യങ്ങളാണ് പുറത്തുവിട്ടിരിക്കുന്നത്.
രാഹുൽ സഞ്ചരിച്ച വാഹനത്തിന് പിന്നിലാണ് ബാഗുകൾ അടങ്ങിയ വാഹനം പോകുന്നതെന്ന് സിസിടിവി ദൃശ്യങ്ങള്‍ ചൂണ്ടിക്കാട്ടി സിപിഎം വാദിക്കുന്നു. രാത്രി പത്തു മണിക്കാണ് രാഹുൽ ഹോട്ടലിലേക്ക് വരുന്നത്. പതിനൊന്നരയ്ക്ക് കോഴിക്കോട്ടേക്ക് പോയി. ഈ സമയം ഹോട്ടലിന്റെ പാർക്കിങ് ഏരിയയിൽ നിന്നുള്ള സിസിടിവി ദൃശ്യങ്ങളാണ് എഡിറ്റ് ചെയ്ത രൂപത്തിൽ ഇപ്പോൾ പുറത്തുവന്നിരിക്കുന്നത്. ദൃശ്യങ്ങളിൽ ചെറിയ വ്യക്തത കുറവുണ്ട്.
രാഹുലിന്റെ ട്രോളി ബാഗിൽ എന്താണ് എന്നുള്ള ചോദ്യം പൊതുസമൂഹത്തിൽ ഉയർത്തുന്നതുമാണ് പുറത്തുവിട്ട ദൃശ്യങ്ങളിലൂടെ സിപിഎം ഉദ്ദേശിക്കുന്നത്. റെയ്ഡ‍് ഹോട്ടലിൽ നടക്കുന്നുണ്ടെന്ന് അറിഞ്ഞിട്ടും പിന്നീട് മൂന്നു മണിക്കൂറിന് ശേഷം കോഴിക്കോട്ടുനിന്ന് രാഹുൽ ഫെയ്‌സ്ബുക് ലൈവ് വരികയും ചെയ്തിരുന്നു.
താനോ ട്രോളി ബാഗോ തമിഴ്നാട് റജിസ്ട്രേഷനിലുള്ള വാഹനത്തിൽ കയറിയിട്ടില്ലെന്നും രാഹുൽ നേരത്തെ വ്യക്തമാക്കിയിരുന്നു. വിഷയത്തിൽ നിയമപരമായും രാഷ്ട്രീയപരമായും പോരാട്ടം തുടരും.
STORY HIGHLIGHT: palakkad raid more cctv visuals from hotel
