വീടുവിട്ട് നിൽക്കുന്നവരാണോ നിങ്ങൾ ? ഈ പച്ചമുട്ടച്ചോറ് ഒന്ന് ട്രൈ ചെയ്യൂ

വീടുവിട്ട് ഹോസ്റ്റലിലും ജോലിക്കുമൊക്കെയായി നിൽക്കുന്നവർക്ക് എളുപ്പത്തിൽ ഉണ്ടാക്കിയെടുക്കാൻ കഴിയുന്ന ഒന്നാണ് പച്ചമുട്ടച്ചോറ്. ഒരു തമിഴ്നാടൻ വിഭവമാണ് പച്ചമുട്ടച്ചോറ്. ഇതിനായി മൂന്ന് ചെറിയ ഉള്ളി , രണ്ട് പച്ച മുളക്, ചെറിയ കഷ്ണം ഇഞ്ചി, കറിവേപ്പില, രണ്ട് വെളുത്തുള്ളി, മല്ലിയില എന്നിവ നന്നായി അരച്ചെടുക്കുക. ഈ അരപ്പിൽ അൽപം ഉപ്പുകൂടി ചേർത്ത് എണ്ണയിലിട്ട് നന്നായി മൂപ്പിച്ചെടുക്കുക. ശേഷം അതിലേക്ക് രണ്ട് മുട്ടകൂടി ചേർത്ത് നന്നായി ഇളക്കിയെടുക്കണം. ഇതിലേക്ക് കാൽ ടീസ്പൂൺ ​ഗരംമസാല, മഞ്ഞൾപ്പൊടി എന്നിവകൂടി ചേർക്കണം. നന്നായി വേവിച്ചെടുത്ത് കഴിഞ്ഞാൽ ഒരു കപ്പ് ചോറു ചേർത്ത് നന്നായി മിക്സ് ചെയ്യുക. മൂന്ന് മിനിറ്റ് നന്നായി ഇളക്കിയെടുത്താൽ ചൂടുള്ള പച്ചമുട്ടച്ചോറ് റെഡി.