അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സിനിമാ പ്രേമികളുടെ പ്രിയ താരജോഡികളാണ് തെന്നിന്ത്യന്‍ താരങ്ങളായ സൂര്യയും ജ്യോതികയും. ഇപ്പോള്‍ ജ്യോത്ക മുംബൈയില്‍ താമസമാക്കിയതിനെ കുറിച്ച് തുറന്ന് പറയുകയാണ് സൂര്യ. നടി എന്ന നിലയില്‍ ജ്യോതികയുടെ വളര്‍ച്ച തനിക്ക് സന്തോഷമുണ്ടാക്കുന്നുണ്ടെന്ന് നടന്‍ സൂര്യ. പുതിയ ചിത്രത്തിന്റെ ഭാഗമായി ഒരു സ്വകാര്യ ചാനലിന് നല്‍കിയ അഭിമുഖത്തില്‍ സംസാരിക്കുകയായിരുന്നു താരം. ’18-ാമത്തെ വയസിലാണ് ജ്യോതിക ചെന്നൈയിലേക്ക് വരുന്നത്. വിവാഹശേഷം 27 വര്‍ഷം എനിക്കൊപ്പം ചെന്നൈയിലായിരുന്നു ജ്യോതിക ഉണ്ടായിരുന്നത്. എനിക്കും എന്റെ കുടുംബത്തിനും വേണ്ടി ജ്യോതിക സ്വന്തം കരിയര്‍, സുഹൃത്തുക്കള്‍, ബന്ധുക്കള്‍, ജീവിത ശൈലി എല്ലാം വിട്ടാണ് ചെന്നൈയില്‍ താമസമാക്കിയത്. ബാന്ദ്രയില്‍ ആയിരുന്നു ജ്യോതിക ജനിച്ച് വളര്‍ന്നത്.
27 വര്‍ഷങ്ങള്‍ക്ക് ശേഷം മാതാപിതാക്കള്‍ക്കൊപ്പം സമയം ചെലവഴിക്കണമെന്ന് ജ്യോതിക ആഗ്രഹിച്ചു. ഒരു പുരുഷന് എന്തെല്ലാം ആവശ്യമാണോ അതെല്ലാം സ്ത്രീയ്ക്കും ആവശ്യമാണ്. അതുകൊണ്ട് തന്നെ മാതാപിതാക്കളോടൊപ്പം പോകുന്നതിന് ഞാന്‍ തടസം നിന്നില്ല.
ഇഷ്ടമുള്ള കാര്യങ്ങള്‍ ചെയ്യാന്‍ അനുവദിക്കാതെ അവളെ മാറ്റി നിര്‍ത്തുന്നത് എന്തിനാണ്. നടി എന്ന നിലയില്‍ അവളുടെ വളര്‍ച്ച എനിക്കും സന്തോഷമുണ്ടാക്കുന്നുണ്ട്. ഇപ്പോഴല്ലെങ്കില്‍ എപ്പോഴാണ് മാറ്റം വരുത്താന്‍ പോകുന്നത്…” തനിക്കും കുടുംബത്തിനുമൊപ്പം സന്തോഷത്തോടെ ഇത്രയും വര്‍ഷം ജീവിച്ച ജ്യോതിക ഇനിയെങ്കിലും സ്വന്തം മാതാപിതാക്കള്‍ക്കൊപ്പം മുംബൈയിലെ ജീവിത ശൈലിയിലേക്ക് മടങ്ങണം. അതിനാലാണ് മുംബൈയിലേക്ക് താമസം മാറ്റിയതെന്ന് സൂര്യ പറഞ്ഞു.
മാത്രമല്ല എല്ലാ സൗകര്യങ്ങളും തനിക്ക് മാത്രം ലഭിച്ചാല്‍ പോരാ അത് ജ്യോതികയ്ക്കും ലഭിക്കണം. കുട്ടികള്‍ക്ക് സ്‌കൂള്‍ സൗകര്യവും കൂടുതല്‍ അവസരങ്ങളും മുംബൈയില്‍ ആണുള്ളത്. ഒരു മാസത്തില്‍ പത്തു ദിവസം ഫോണ്‍ കോള്‍ പോലും എടുക്കാതെ മുംബൈയില്‍ മക്കളോടൊപ്പം മുംബൈയില്‍ സമയം ചെലവഴിക്കുന്നതില്‍ സന്തോഷം കണ്ടെത്താറുണ്ടെന്നും സൂര്യ പറഞ്ഞു.
സൂര്യയുടെ വാക്കുകള്‍
’18ാം വയസിലാണ് ജോതിക ചെന്നൈയിലേക്ക് വരുന്നത്. ഏകദേശം 27 വര്‍ഷത്തോളം അവള്‍ ചെന്നൈയില്‍ ജീവിച്ചു. 18 വര്‍ഷം മാത്രം മുംബൈയില്‍ താമസിച്ച അവള്‍ 27 വര്‍ഷവും ചെന്നൈയിലായിരുന്നു ചെലവഴിച്ചത്. അവള്‍ എന്നോടും എന്റെ കുടുംബത്തോടൊപ്പവും ഉണ്ടായിരുന്നു. അവള്‍ അവളുടെ കരിയര്‍ ഉപേക്ഷിച്ചു. അവളുടെ സുഹൃത്തുക്കള്‍, അവളുടെ ബന്ധുക്കള്‍, അവളുടെ ബാന്ദ്രയിലെ ജീവിത ശൈലി, എല്ലാം ഉപേക്ഷിച്ച് അവള്‍ ചെന്നൈയില്‍ താമസിച്ചു.
എന്നോടും എന്റെ കുടുംബത്തോടും സമയം ചെലവഴിക്കുന്നതില്‍ അവള്‍ സന്തോഷവതിയായിരുന്നു. ഇപ്പോള്‍ 27 വര്‍ഷങ്ങള്‍ക്ക് ശേഷം അവള്‍ മാതാപിതാക്കളോടൊപ്പം സന്തോഷത്തോടെ സമയം ചെലവഴിക്കണമെന്ന് ഞാനും ആഗ്രഹിച്ചു. ഒരു പുരുഷന് എന്ത് ആവശ്യമുണ്ടോ അത് സ്ത്രീക്കും ആവശ്യമാണ്. അവള്‍ക്ക് അവളുടെ കുടുംബം, സുഹൃത്തുകള്‍, അവളുടെ സാമ്പത്തിക സ്വാതന്ത്ര്യം, ബഹുമാനം, അവളുടെ ഫിറ്റ്‌നസ് എല്ലാം വേണം. ഒരു പുരുഷന് ആവശ്യമായതിലും സ്ത്രീക്കും ഒരുപോലെ ആവശ്യമാണെന്ന് കരുതുന്നു. അവളുടെ മാതാപിതാക്കളില്‍ നിന്നും അവളുടെ ജീവിത ശൈലിയില്‍ നിന്നും അവള്‍ ചെയ്യാന്‍ ഇഷ്ടപ്പെടുന്ന കാര്യങ്ങളില്‍ നിന്നും അവളെ മാറ്റി നിര്‍ത്തുന്നതെന്തിനാണ്. ഇപ്പോഴല്ലെങ്കില്‍ പിന്നെ എപ്പോഴാണ് നമ്മള്‍ ഈ മാറ്റം വരുത്താന്‍ പോകുന്നത്. എന്തിന് എനിക്ക് മാത്രം ലഭിക്കണം അതായിരുന്നു എന്റെ ചിന്ത.
ജ്യോതികയ്ക്ക് മിക്കപ്പോഴും പ്രതിസന്ധികളെ നേരിടേണ്ടതായി വന്നിട്ടുണ്ട്. ഞാന്‍ മിക്കപ്പോഴും പേരെടുത്ത സംവിധായകര്‍ക്കൊപ്പം പ്രവര്‍ത്തിക്കുമ്പോള്‍ പുതുമുഖ സംവിധായകര്‍ക്കൊപ്പമാണ് ജ്യോതിക പ്രവര്‍ത്തിക്കേണ്ടി വന്നിട്ടുള്ളത്. മുംബൈയിലേക്ക് മാറിയതോടെ ശ്രീകാന്ത് ശൈതാന്‍, ഡബ്ബ കാര്‍ട്ടല്‍, കാതല്‍ തുടങ്ങിയ മികച്ച സിനിമകളില്‍ അഭിനയിക്കാന്‍ സാധിച്ചു. ഒരു അഭിനേതാവെന്ന നിലയില്‍ അവളുടെ വളര്‍ച്ച കാണുന്നതില്‍ എനിക്കും സന്തോഷമുണ്ട്.
എന്റെ കുട്ടികള്‍ ഐബി സ്‌കൂളിലാണ് പഠിച്ചത്. ചെന്നൈയില്‍ രണ്ട് ഐബി സ്‌കൂളുകള്‍ മാത്രമേ ഉണ്ടായിരുന്നുള്ളു. നമ്മുടെ കുട്ടികള്‍ നന്നായി പഠിക്കുന്നത് നമുക്ക് അഭിമാനമുള്ള കാര്യമാണ്. അവര്‍ എല്ലാത്തിലും മികവ് പുലര്‍ത്തണമെന്ന് ഞാന്‍ ആഗ്രഹിക്കുന്നു. മുംബൈയില്‍ ധാരാളം ഐബി സ്‌കൂളുകളും നല്ല അവസരങ്ങളുമുണ്ട്. അങ്ങനെ അവര്‍ മുംബൈയിലേക്ക് താമസം മാറി. ഞാന്‍ ചെന്നൈയിക്കും മുംബൈയ്ക്കും ഇടയില്‍ ബാലന്‍സ് ചെയ്തു പോകുന്നു. ഞാന്‍ മാസത്തില്‍ 20 ദിവസം മാത്രമേ ജോലി ചെയ്യുകയുള്ളു. 10 ദിവസം ഞാന്‍ ഒന്നും ചെയ്യുന്നില്ല. ഫോണ്‍ കോളുകള്‍ എടുക്കുകയോ ഓഫീസ് പ്രവര്‍ത്തിപ്പിക്കുകയോ ഇല്ല. മുംബൈയില്‍ ആയിരിക്കുമ്പോള്‍ ഞാന്‍ സൈലന്റായി ഇരിക്കും. എന്റെ മകളെ പാര്‍ക്കില്‍ കൊണ്ടുപോകാനും ഐസ്‌ക്രീം വാങ്ങിക്കൊടുക്കുവാന്‍ കൊണ്ടുപോകാനും ഒരുഡ്രൈവിന് കൊണ്ടുപോകാനും എന്റെ മകനെ ബാസ്‌കറ്റ് ബോള്‍ പരിശീലനത്തിന് കൊണ്ടു പോകാനും ഞാന്‍ സമയം കണ്ടെത്തും.
എന്റെ കുട്ടികളോടൊപ്പം സമയം ചെലവഴിക്കുന്നത് എനിക്ക് സന്തോഷമാണ്. എന്റെ കുടുംബം മുംബൈയില്‍ വരുമ്പോള്‍ ഞങ്ങള്‍ എല്ലാം കൂടി ഒരുമിച്ച് പുറത്തു പോകും. ഷോപ്പിങ്ങിന് പോകും സാധനങ്ങള്‍ വില പേശി വാങ്ങും രണ്ടിടത്തും കുട്ടികള്‍ സന്തോഷമായി സമയം ചെലവഴിക്കും. അവരുടെ കുട്ടിക്കാലം വളരെ വിലപ്പെട്ടതാണ്. എന്റെ കുട്ടികള്‍ക്കും നല്ലൊരു കുട്ടിക്കാലം വേണമെന്ന് ഞാന്‍ ആഗ്രഹിക്കുന്നു. അവര്‍ക്ക് സ്ട്രീറ്റില്‍ കൂടി നടക്കാന്‍ കഴിയണം. മറ്റു കുട്ടികള്‍ക്കൊപ്പം കളിക്കാന്‍ കഴിയണം. മുംബൈയില്‍് അവര്‍ക്ക് അതെല്ലാം കഴിയുന്നുണ്ട്’, സൂര്യ പറഞ്ഞു.
