അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പ്രശസ്ത ഛായാഗ്രാഹകൻ നിമിഷ് രവിക്ക് പിറന്നാളാശംസകളറിയിച്ച് നടി അഹാന കൃഷ്ണ. സോഷ്യൽ മീഡിയയിലൂടെയാണ്‌ അഹാന ആശംസകൾ അറിയിച്ചത്. തന്റെ ഏറ്റവും പ്രിയപ്പെട്ട കേക്ക് എന്നാണ് നിമിഷിനെ അഹാന പോസ്റ്റിൽ വിശേഷിപ്പിച്ചിരിക്കുന്നത്.
‘നിനക്ക് മുപ്പതുവയസായോ? നിനക്ക് 21 വയസ്സുള്ളപ്പോൾ നമ്മൾ തിരുവനന്തപുരത്ത് കൂടി ഒരുപണിയും ഇല്ലാതെ, എന്നാൽ ഏറെ പ്രതീക്ഷയോടെ കറങ്ങിനടന്നത് ഇന്നലെ എന്നപോലെ ഓർക്കുന്നു. അന്നത്തെ നിന്നിൽ നിന്നും ഇന്നത്തെ നീയായുള്ള ദൂരം ഏറെയുണ്ട്. ഇന്ന് നിന്നെ നോക്കൂ. നിങ്ങൾ എവിടെ ആയിരിക്കണമെന്ന് ഞങ്ങൾ എല്ലാവരും സ്വപ്നം കണ്ടിടത്ത്. നിങ്ങൾക്ക് ഒരുപാട് ദൂരം പോകാനുണ്ട്. നിന്റെ കഴിവ്, അഭിനിവേശം, അചഞ്ചലമായ കഠിനാധ്വാനം. നിന്റെ മനോഹരമായ ഹൃദയം ഇതും ഇതിലേറെയും അർഹിക്കുന്നു. എൻ്റെ പ്രിയപ്പെട്ട കേക്ക് ഹ..ഹ..ഹ!! നിനക്ക് എന്റെ ഹൃദയം നിറഞ്ഞ ജന്മദിനാശംസകൾ’ അഹാന കുറിച്ചു. നിരവധി ആളുകളാണ് നിമിഷിന് ആശംസകളുമായി എത്തുന്നത്.
അഹാന പങ്കുവെച്ച പോസ്റ്റിന് വൈകാതെ തന്നെ മറുപടിയുമായി നിമിഷും എത്തിയിരുന്നു. ഇരുവരും തമ്മിലുള്ള ചിത്രവും അഹാന ഇൻസ്റ്റാഗ്രാമിൽ പങ്കുവെച്ചിട്ടുണ്ട്.
View this post on Instagram
അഹാനയുടെ ബാല്യകാല സുഹൃത്ത് കൂടിയായ നിമിഷ് മികച്ച ഒരുപിടി മലയാളചിത്രങ്ങളിലൂടെ ശ്രദ്ധേയനാണ്. ലൂക്ക, സാറാസ്, കുറുപ്പ്, റോഷാക്ക്, കിങ് ഓഫ് കൊത്ത, ലക്കി ഭാസ്കർ എന്നിവയാണ് നിമിഷ് രവി ഛായാഗ്രഹണം നിർവഹിച്ച് പുറത്തിറങ്ങിയ ചിത്രങ്ങൾ. മമ്മൂട്ടി നായകനായ ബസൂക്കയാണ് ഉടൻ പുറത്തിറങ്ങുന്ന ചിത്രം.
STORY HIGHLIGHT: ahaana krishna birthday wishes nimish ravi
