അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മലയാളി കുടുംബപ്രേക്ഷകരുടെ ഇഷ്ടതാരങ്ങളാണ് സ്നേഹയും ശ്രീകുമാറും. ടെലിവിഷൻ പരമ്പരകളിലൂടെ കുടുംബങ്ങളുടെ പ്രിയം നേടിയ ഇരുവരും പ്രണയ വിവാഹത്തിലൂടെയായിരുന്നു ഒന്നിച്ചത്. കുടുംബ വിശേഷങ്ങളെല്ലാം വ്‌ളോഗിലൂടെ സ്നേഹ ആരാധകർക്കായി പങ്കുവെക്കാറുണ്ട്. ഇപ്പോഴിതാ മകൻ കേദാറിന്റെ വിശേഷവുമായി എത്തിയിരിക്കുകയാണ് സ്നേഹ.
ചെണ്ടമേളം ആസ്വദിക്കുന്ന മകന്റെ വീഡിയോയാണ് താരം പങ്കുവെച്ചിരിക്കുന്നത്. നേരത്തെയും കേദാറിന്റെ ചെണ്ട കൊട്ടിനോടുള്ള താല്പര്യത്തേക്കുറിച്ച് പറഞ്ഞ് നടി എത്തിയിരുന്നു. കൊട്ടിനനുസരിച്ച് കൈ കൊണ്ട് താളം പിടിക്കുകയാണ് മിടുക്കൻ. മറ്റൊന്നും ശ്രദ്ധിക്കാതെ കൊട്ടിൽ മാത്രമാണ് കേദാർ ശ്രദ്ധ കൊടുക്കുന്നത്. കൊട്ടിനോടാണ് താല്പര്യം, അച്ചു ചേട്ടന്റെ ചെണ്ടയിൽ ചെറുതായി കൊട്ടിനോക്കാനും തുടങ്ങിയെന്ന ക്യാപ്‌ഷൻ നൽകിയാണ് സ്നേഹ വീഡിയോ പങ്കുവെച്ചത്.
വളരെ ആസ്വദിച്ചാണ് എല്ലാവരും വീഡിയോ കണ്ടതെന്ന് കമന്റ് ബോക്സിൽ നിന്ന് വ്യക്തമാണ്. 2019 ല്‍ ആയിരുന്നു സ്‌നേഹയുടെയും ശ്രീകുമാറിന്റെയും വിവാഹം. നാല് വര്‍ഷത്തെ കാത്തിരിപ്പിന് ശേഷം 2023 ലാണ് മകൻ കേദാര്‍ സ്‌നേഹയുടെയും ശ്രീകുമാറിന്റെയും ജീവിതത്തിലേക്ക് വന്നത്.
STORY HIGHLIGHT: baby kedar immersed in drum beats and holding the rhythm sneha share video
