അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കഴിഞ്ഞ ദിവസം കേരള സൂപ്പർ ലീഗ് മത്സരത്തിനിടെ നടൻ ബേസിൽ ജോസഫിന് പറ്റിയ അബദ്ധത്തിന്റെ വിഡിയോ സോഷ്യൽ മീഡിയയിൽ വൈറലായി മാറിയിരുന്നു. ബേസിലിനെ ട്രോളി ടൊവിനോയും സഞ്ജു സാംസണും കൂടി എത്തിയതോടെ സംഗതി ആരാധകരും ഏറ്റെടുത്തു. കഴിഞ്ഞ ദിവസം കോഴിക്കോട് നടന്ന സൂപ്പര്‍ലീഗ് ഫുട്‌ബോള്‍ ഫൈനലിന്റെ സമാപനച്ചടങ്ങിനിടെ ബേസിൽ കൈനീട്ടിയത് കാണാതെ ഒരു താരം പൃഥ്വിരാജിന് താരം കൈകൊടുത്തതാണ് ട്രോളുകൾക്ക് കാരണമായത്. ഈ ട്രോളുകൾക്ക് മറുപടിയുമായി എത്തിയിരിക്കുകയാണ് താരം.
‘കൈ കിട്ടിയില്ലെങ്കിലും കപ്പ്‌ കിട്ടി ഗയ്‌സ്’ എന്നാണ് ടൊവിനോയെയും സഞ്ജുവിനെയും ടാഗ് ചെയ്ത് ബേസിൽ കുറിച്ചിരിക്കുന്നത്. ബേസിലിന്റെ പോസ്റ്റിന് താഴെ സഞ്ജുവും നസ്രിയയുമുൾപ്പെടെ നിരവധി പേരാണ് കമന്റുമായെത്തിയിരിക്കുന്നത്. ‘മെയിൻ ഫോട്ടോ എവിടെ’ എന്നായിരുന്നു നസ്രിയയുടെ ചോദ്യം. ‘നീയും എന്നെ’ എന്നാണ് ബേസില്‍ തിരിച്ചു കമന്റ് ചെയ്തിരിക്കുന്നത്.
View this post on Instagram
‘കണ്‍ഗ്രാജുലേഷന്‍സ്’ എന്നായിരുന്നു ടൊവിനോയുടെ കമന്റെങ്കിൽ ‘കണ്‍ഗ്രാറ്റ്സ് പയ്യാ!! അടുത്ത തവണ കൈ തരാൻ മലപ്പുറം എഫ്സിയുമായി ഞാൻ വരാം’ എന്നായിരുന്നു സഞ്ജുവിന്റെ കമന്റ്. ഫോഴ്സ കൊച്ചിയുടെ ഉടമസ്ഥനായ പൃഥ്വിരാജും കാലിക്കറ്റ് എഫ്‌സിയുടെ ബ്രാൻഡ് അംബാസിഡർ ആയ ബേസില്‍ ജോസഫും ഫൈനല്‍ കാണാന്‍ എത്തിയിരുന്നു. എന്തായാലും ട്രോളും മറുപടിയുമൊക്കെയായി അവസാനം ടൊവിനോയ്ക്ക് ‘സമാധാനം’ എന്ന് റിപ്ലയും നൽകി ബേസില്‍ ട്രോൾ വിഷയം കോംപ്രമൈസാക്കി.
STORY HIGHLIGHT: basil joseph instagram post about super league football trolls in social media
