അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഗര്‍ഭിണിയായ ഭാര്യയെ ചിരവ കൊണ്ട് കുത്തിപ്പരിക്കേല്‍പ്പിച്ച് വിദേശത്തേക്ക് കടക്കാന്‍ ശ്രമിച്ച ഭര്‍ത്താവിനെ വിമാനത്താവളത്തില്‍ നിന്നും പിടികൂടി. നാദാപുരം കല്ലാച്ചിയിലാണ് സംഭവം. ഭര്‍ത്താവിനെ മുംബൈ വിമാനത്താവളത്തില്‍ നിന്നുമാണ് പിടികൂടിയത്. ചിയ്യൂര്‍ താനമഠത്തില്‍ ഫൈസലാണ് വിദേശത്തേക്ക് കടക്കാനുള്ള ശ്രമത്തിനിടയില്‍ പിടിയിലായത്.ഫൈസലിന്റെ പേരില്‍ വധശ്രമത്തിന് ഉള്‍പ്പെടെ കേസ് രജിസ്റ്റര്‍ ചെയ്തു.
ഈ തിങ്കളാഴ്ചയായിരുന്നു കേസിന് ആസ്പദമായ സംഭവം നടന്നത്. രണ്ട് മാസം ഗര്‍ഭിണിയുമായ ഭാര്യ നരിപ്പറ്റ കിണറുള്ള പറമ്പത്ത് ഷംനയെ(27) ഇയാള്‍ വീട്ടില്‍ വെച്ച് ചിരവ കൊണ്ട് കുത്തിപ്പരിക്കേല്‍പ്പിക്കുകയായിരുന്നു. ഇടത് വയറിലും കൈക്കും പരിക്കേറ്റ ഷംന ആശുപത്രിയില്‍ ചികിത്സയില്‍ തുടരുകയാണ്. ശബ്ദം കേട്ട് ഓടിയെത്തിയ അയല്‍വാസികളാണ് ഷംനയെ ആശുപത്രിയില്‍ എത്തിച്ചത്. കൃത്യത്തിന് ശേഷം പ്രതി ഒളിവിലായിരുന്നു. ഷംന അപകടനില തരണം ചെയ്തതായി ഡോക്ടര്‍മാര്‍ പറഞ്ഞു.
സ്വത്ത് സംബന്ധമായ തര്‍ക്കമാണ് ആക്രമിക്കാനുള്ള കാര്യമെന്നാണ് ലഭിക്കുന്ന വിവരം. യുവതിയുടെ പേരിലുള്ള സ്വത്തുക്കള്‍ തന്റെ പേരിലേക്ക് മാറ്റണമെന്ന് ആവശ്യപ്പെട്ട് ഫൈസല്‍ നിരന്തരം ഷംനയെ ഉപദ്രവിച്ചിരുന്നതായി സഹോദരന്‍ പൊലീസിനോട് പറഞ്ഞു.
