അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കഴിഞ്ഞ കുറെ നാളുകളായി താരദമ്പതിമാരായ ഐശ്വര്യ റായിയേയും അഭിഷേക് ബച്ചനേയും ചുറ്റിപ്പറ്റിയുള്ള വാര്‍ത്തകളാണ് സമൂഹമാധ്യമങ്ങളുടെ ഗോസിപ്പ് കോളങ്ങളില്‍ ഇടം പിടിച്ചിരിക്കുന്നത്. ആനന്ദ് അംബാനിയുടേയും രാധിക മെര്‍ച്ചന്റിന്റേയും വിവാഹത്തിന് ഇരുവരും ഒരുമിച്ചായിരുന്നില്ല എത്തിയിരുന്നത്. അഭിഷേക് മാതാപിതാക്കള്‍ക്കൊപ്പം ഐശ്വര്യ റായ് മകള്‍ ആരാധ്യയ്‌ക്കൊപ്പവുമാണ് ചടങ്ങിനെത്തിയത്. ഇതിന് പിന്നാലെ ഇരുവരും തമ്മില്‍ അസ്വാരസ്യങ്ങളാണന്ന തരത്തില്‍ വ്യാപകമായി വാര്‍ത്തകള്‍ പ്രചരിച്ചു.
വിവാഹമോചന വാർത്തകളോട് ഇതുവരെയും ബച്ചൻ കുടുംബമോ ഐശ്വര്യയോ പ്രതികരിച്ചിട്ടില്ല. ഇപ്പോഴിതാ, അമിതാഭ് ബച്ചൻ എക്‌സിൽ കുറിച്ച പോസ്റ്റാണ് വൈറലായിരിക്കുന്നത്. ‘ദേർ ഹോ ഗയി തോ ബാദ് മേ മിൽട്ടെ ഹെ’ (വൈകിയാൽ പിന്നെ കാണാം) സമൂഹമാധ്യമത്തിലെ തൻ്റെ അനുയായികളെ ഉദ്ദേശിച്ചുള്ളതായിരുന്നു അദ്ദേഹത്തിൻ്റെ ട്വീറ്റ് എങ്കിലും ചില വ്യക്തികൾ ബച്ചൻ പോസ്റ്റ് ചെയ്ത ഈ വാചകങ്ങൾ അഭിഷേക് – ഐശ്വര്യ വിവാഹമോചനത്തിനെ ഉദ്ദേശിച്ചാണ് എന്ന തരത്തിലാണ് പ്രചരിക്കുന്നത്.
T 5193 – देर हो गई, तो बाद में मिलते हैं
— Amitabh Bachchan (@SrBachchan) November 14, 2024
അതേസമയം ബച്ചൻ ഇപ്പോൾ കൗൺ ബനേഗ ക്രോർപതി 16 ൻ്റെ അവതാരകൻ്റെ തിരക്കിലാണ്. 2007 ഏപ്രില്‍ 20-നാണ് അഭിഷേകും ഐശ്വര്യയും വിവാഹിതരായത്. 2011 നവംബറില്‍ ഐശ്വര്യ ആരാധ്യയ്ക്ക് ജന്മം നല്‍കി. അതിനുശേഷം കുറച്ച് വര്‍ഷങ്ങള്‍ വെള്ളിത്തിരയില്‍ നിന്ന് താരം വിട്ടുനിന്നിരുന്നു. ഇപ്പോള്‍ ഇരുവരും വിവാഹജീവിതത്തില്‍ 17 വര്‍ഷം പൂര്‍ത്തിയാക്കിയിരിക്കുകയാണ്.
STORY HIGHLIGHT: Amitabh Bachchan’s latest tweet goes viral amid Abhishek Bachchan-Aishwarya Rai’s divorce rumours
