ധീരജവാന്‍ മേജര്‍ മുകുന്ദ് വരദരാജന്റെ ജീവിതത്തെ അടിസ്ഥാനമാക്കി രാജ്കുമാര്‍ പെരിയസാമി സംവിധാനംചെയ്ത ചലച്ചിത്രമാണ് ‘അമരന്‍’. മേജര്‍ മുകുന്ദ് വരദരാജനായി ശിവകാര്‍ത്തികേയനും മുകുന്ദ് വരദരാജന്റെ ഭാര്യ ഇന്ദു റബേക്ക വര്‍ഗീസിന്റെ വേഷത്തില്‍ സായ് പല്ലവിയുമാണ് പ്രേക്ഷകര്‍ക്ക് മുന്നിലെത്തിയത്.
അമരനിലെ സായ് പല്ലവിയുടെ ഇന്‍ഡ്രോ വീഡിയോയുടെ റീക്രിയേറ്റഡ് വീഡിയോയുമായി പ്രേക്ഷകർക്ക് മുന്നിൽ എത്തിയിരിക്കുകയാണ് ചലച്ചിത്രതാരം മുക്തയുടെ മകള്‍ കിയാര എന്ന കണ്‍മണി. റബേക്ക വര്‍ഗീസ് ആയി അഭിനയിച്ചുകൊണ്ട് സാമൂഹികമാധ്യമത്തില്‍ പങ്കുവെച്ച വീഡിയോക്ക് വലിയ പ്രതികരണമാണ് ലഭിക്കുന്നത്.
കഥാപാത്രത്തിന്റെ വേഷങ്ങളും ഭാവങ്ങളും അനുകരിച്ച് കുട്ടിത്തം തുളുമ്പുന്ന മുഖവുമായി കണ്‍മണി അവതരിപ്പിച്ച വീഡിയോക്ക് പേളി മാണി, പാര്‍വതി എസ്. കൃഷ്ണ, ശിവദ തുടങ്ങി താരങ്ങളടക്കം നിരവധി പേര്‍ ഈ വീഡിയോക്ക് കമന്റ് ചെയ്തിട്ടുണ്ട്. ആറ് ദിവസം മുമ്പ് പോസ്റ്റ് ചെയ്ത വീഡിയോ സമൂഹ മാധ്യമങ്ങളിൽ വൈറലാണ്.
STORY HIGHLIGHT: amaran movie sai pallavi intro video recreation by kanmani