അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ക്ഷേത്രത്തിൽ വച്ച് ആന രണ്ടുപേരെ ചവിട്ടിക്കൊന്നു. കേരള- തമിഴ്നാട് അതിർത്തിയിലെ തിരുച്ചെന്തൂർ ക്ഷേത്രത്തിലാണ് സംഭവം. തിരുച്ചെന്തൂർ സ്വദേശിയായ ആന പാപ്പാൻ ഉദയകുമാർ പാറശ്ശാല സ്വദേശിയായ ബന്ധു ശിശുപാലൻ എന്നിവരാണ് ആനയുടെ ചവിട്ടേറ്റ് മരിച്ചത്. തിരുച്ചെന്തൂർ സുബ്രഹ്മണ്യ സ്വാമി ക്ഷേത്രത്തിൽ വൈകിട്ട് നാലിനായിരുന്നു സംഭവം.
പാറശ്ശാലയ്ക്ക് സമീപം പളുകൽ സ്വദേശിയായ ശിശുപാലൻ ദിവസങ്ങൾക്ക് മുമ്പാണ് ബന്ധുവിന്റെ വീടായ തിരുച്ചെന്തൂരിലെത്തിയത്. തിങ്കളാഴ്ച വൈകിട്ട് ആനയ്ക്ക് സമീപം നിൽക്കുകയായിരുന്ന ശിശുപാലനെ ആന ചവിട്ടി കൊലപ്പെടുത്തുകയായിരുന്നു. ഇതുകണ്ട് ഓടിയെത്തിയ പാപ്പാൻ ഉദയകുമാർ ആനയെ പിന്തിരിയിപ്പിക്കാൻ ശ്രമിച്ചെങ്കിലും ആന അദ്ദേഹത്തേയും ചവിട്ടി വീഴ്ത്തി കൊലപ്പെടുത്തുകയായിരുന്നു. ദൈവാനാ എന്ന ആനയാണ് ആക്രമണം നടത്തിയത്.
STORY HIGHLIGHT: elephant kills mahout and relative in tamil nadus tiruchendur temple
