അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കുന്നംകുളത്ത് റോഡിലൂടെ നടന്നുപോകവെ അഞ്ചുപേര്‍ക്ക് കടന്നല്‍ കുത്തേറ്റു. ഇതില്‍ ഒരാളുടെ നില ഗുരുതരമാണ്. നഗരസഭയിലെ പത്താം വാര്‍ഡില്‍ ഫീല്‍ഡ് നഗറിലാണ് സംഭവം. ഫീല്‍ഡ് നഗര്‍ സ്വദേശികളായ റോയ്, സുമന്‍ രാജ്, ധര്‍മ്മപാലന്‍ ഉള്‍പ്പെടെ 5 പേര്‍ക്കാണ് കടന്നല്‍ കുത്തേറ്റത്. കടന്നലിന്റെ ആക്രമണത്തില്‍ ഗുരുതരമായി പരിക്കേറ്റ റോയിയെ കുന്നംകുളം മലങ്കര ആശുപത്രിയിലെ അത്യാഹിത വിഭാഗത്തില്‍ പ്രവേശിപ്പിച്ചു.സ്വകാര്യ വ്യക്തിയുടെ പറമ്പിലെ തെങ്ങിലാണ് കൂറ്റന്‍ കടന്നല്‍കൂട് ഉള്ളത്. തിങ്കളാഴ്ച രാവിലെ 11 മണിയോടെ റോഡിലൂടെ നടന്നു വരികയായിരുന്ന റോയിയെ കടന്നലുകള്‍ ആക്രമിക്കുകയായിരുന്നു. ആക്രമണത്തനിടെ ഓടി വീട്ടില്‍ കയറിയെങ്കിലും കൂട്ടമായെത്തിയ കടന്നലുകള്‍ ആക്രമിക്കുകയായിരുന്നു. ഇന്ന് രാവിലെയാണ് മറ്റുള്ളവരെ കടന്നല്‍ ആക്രമിച്ചത്.
