I have no such desire... Suchitra's words about her son
മലയാള സിനിമയിലെ നായകന്മാരെയും നായികമാരെയും സ്വന്തം കുടുംബാംഗം പോലെയാണ് ആരാധകര്‍ കാണുന്നത്. അതുപോലെതന്നെയാണ് താരങ്ങളുടെ മക്കളെയും ആരാധകര്‍ സ്‌നേഹിക്കുന്നത്. അതില്‍ ഏറ്റവും പ്രിയം പ്രണവിനോടാണെന്ന് വേണമെങ്കില്‍ പറയാം. ബാലതാരമായി സിനിമയില്‍ അരങ്ങേറ്റം കുറിച്ചെങ്കിലും വിരലിലെണ്ണാവുന്ന സിനിമകള്‍ മാത്രമെ പ്രണവ് ചെയ്തിട്ടുള്ളു. അച്ഛന്‍ സിനിമയെയാണ് ഇഷ്ടപ്പെടുന്നതെങ്കില്‍ മകന്‍ ഇഷ്ടപ്പെടുന്നത് യാത്രകളെയാണ്. താര ആര്‍ഭാടങ്ങളില്‍ നിന്നെല്ലാം വളരെ വ്യത്യസ്തമായ ജീവിത ശൈലിയാണ് പ്രണവിന്റേത്.
അഭിനയത്തില്‍ മോഹന്‍ലാലിന്റെ ചെറിയൊരു അംശം പോലുമല്ല പ്രണവെന്നും മോഹന്‍ലാലിന്റെ ഒരു കഥാപാത്രം പ്രണവ് ചെയ്യണമെന്ന് തനിക്ക് തോന്നിയിട്ടില്ലെന്നും പറയുകയാണ് അമ്മ സുചിത്ര മോഹന്‍ലാല്‍. താന്‍ അങ്ങനെ ആഗ്രഹിച്ചാല്‍ തന്നെ ട്രോളുകള്‍ ഉണ്ടാവുമെന്നും സുചിത്ര പറയുന്നു.
‘ചേട്ടന്റെ സിനിമകള്‍ പ്രണവ് ചെയ്യണമെന്ന് എനിക്ക് ഒരിക്കലും തോന്നിയിട്ടില്ല. കാരണം അവന് തുടങ്ങിയിട്ടേയുള്ളൂ. അതുകൊണ്ട് തന്നെ ആളുകള്‍ അവനെ താരതമ്യപ്പെടുത്തും. അവന് അദ്ദേഹത്തിന്റെ പകുതി പോയിട്ട് ചെറിയൊരു അംശം പോലുമല്ല. അതുകൊണ്ട് തന്നെ പ്രണവിന് ചേട്ടന്റെ ഒരു സിനിമ ചെയ്യാന്‍ പറ്റട്ടെയെന്ന് പറയുമ്പോള്‍ തന്നെ ട്രോള്‍ വരും. ഇനി അതുകൂടിയാണ് എന്റെ ആഗ്രഹം എന്നൊക്കെ ആളുകള്‍ പറയും. എനിക്കങ്ങനെ ഒരു ആഗ്രഹവുമില്ല,’സുചിത്ര പറയുന്നു.
‘പ്രണവ് ഞാന്‍ പറയുന്നത് മാത്രമേ കേള്‍ക്കൂ എന്ന് അവന്റെ കസിന്‍സ് ഉള്‍പ്പെടെയുള്ള ആളുകള്‍ പലപ്പോഴും പറയാറുണ്ടെങ്കിലും അത് പൂര്‍ണ്ണമായും ശരിയാണെന്ന് ഞാന്‍ കരുതുന്നില്ല. അവന് സ്വന്തം ആശയങ്ങളുണ്ട്-അവന് ധാര്‍ഷ്ട്യമുള്ളവനല്ല, എന്നാല്‍ ശരിയാണെന്ന് താന്‍ വിശ്വസിക്കുന്നത് അവന് പിന്തുടരുന്നു. വര്‍ഷങ്ങള്‍ക്ക് ശേഷം (2024) എന്ന ചിത്രത്തിലാണ് പ്രണവ് അവസാനമായി അഭിനയിച്ചത്, തന്റെ അടുത്ത പ്രോജക്റ്റ് പരസ്യമായി പ്രഖ്യാപിച്ചിട്ടില്ല. എല്ലാ വര്‍ഷവും ചില തിരക്കഥകള്‍ കേള്‍ക്കാറുണ്ടെന്നും എന്നാല്‍ പ്രണവ് ഇപ്പോള്‍ സിനിമകള്‍ ഒഴികെയുള്ള കാര്യങ്ങളിലാണെന്നും സുചിത്ര പറഞ്ഞു.