തന്റെ ഉജ്വല വിജയത്തിൽ വയനാടിന് നന്ദി അറിയിച്ച് പ്രിയങ്ക. വയനാടിന്റെ പ്രിയ സഹോദരിമാരേയും സഹോദരന്മാരേയും,
നിങ്ങൾ എന്നിൽ വെച്ച വിശ്വാസത്തിന് ഞാൻ അതീവ കൃതജ്ഞത പ്രകടിപ്പിക്കുന്നു. ഈ വിജയം നിങ്ങളുടെ വിജയം തന്നെയാണെന്ന് ഞാൻ ഉറപ്പാക്കും. നിങ്ങളെ പ്രതിനിധീകരിക്കാൻ നിങ്ങൾ തിരഞ്ഞെടുത്ത ഞാൻ നിങ്ങളുടെ ആഗ്രഹങ്ങളും സ്വപ്നങ്ങളും മനസിലാക്കി നിങ്ങളുടെ സ്വന്തം ആളായി നിങ്ങളുടെ നന്മക്കായി പോരാടുന്ന ഒരാളായിരിക്കും. പാർലമെന്റിൽ നിങ്ങളുടെ സ്വരമാവാൻ ഞാൻ ആകാംക്ഷയോടെ കാത്തിരിക്കുന്നു! എന്ന പറഞ്ഞു തുടങ്ങിയ പ്രിയങ്ക , യു ഡി എഫ് പ്രവർത്തകർക്കും , വോളന്റീർസിനും , തങ്ങളോടപ്പം വിശ്രമം ഇല്ലാതെ പ്രവർത്തിച്ചവർക്കും തന്റെ കുടുംബത്തിനും നന്ദി അറിയിച്ചു. വയനാടിന്റെ മണ്ണിൽ രാഹുലിനേക്കാൾ ഭൂരിപക്ഷത്തിലാണ് പ്രിയങ്കയുടെ വിജയം . പ്രിയങ്ക ഗാന്ധിയുടെ കന്നിയങ്കത്തിൽ 622338 വോട്ടുകലാണ് വയനാട് പ്രിയങ്കയ്ക്ക് സമ്മാനിച്ചത്