അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ചേരുവകൾ
ഗ്രീൻപീസ്
ഇഞ്ചി
വെളുത്തുള്ളി
ചെറിയ ഉള്ളി
വലിയ ഉള്ളി
എണ്ണ
പട്ട
ഗ്രാമ്പു
പെരുംജീരകം
പച്ചമുളക്
ഇഞ്ചി
വെളുത്തുള്ളി പേസ്റ്റ്
മല്ലിപ്പൊടി
മുളകുപൊടി
മഞ്ഞൾപൊടി
ഉപ്പ്
തയ്യാറാക്കുന്ന വിധം
ആദ്യം തന്നെ ഗ്രീൻപീസ് കഴുകി വൃത്തിയാക്കി വെള്ളത്തിൽ കുതിരാനായി ഇട്ടുവയ്ക്കുക. ശേഷം ഇഞ്ചി, വെളുത്തുള്ളി എന്നിവ ഇടി കല്ലിലിട്ട് ചതച്ചെടുക്കുക. കറിയിലേക്ക് ആവശ്യമായ ചെറിയ ഉള്ളി, വലിയ ഉള്ളി എന്നിവ കൂടി വൃത്തിയാക്കി വയ്ക്കണം. ഒരു കുക്കർ അടുപ്പത്ത് വെച്ച് ചൂടായി വരുമ്പോൾ അതിലേക്ക് ഒന്നര ടീസ്പൂൺ അളവിൽ എണ്ണയൊഴിച്ചു കൊടുക്കുക. എണ്ണ ചൂടായി തുടങ്ങുമ്പോൾ അതിലേക്ക് പട്ട, ഗ്രാമ്പു, പെരുംജീരകം എന്നിവയിട്ട് ഒന്ന് മിക്സ് ചെയ്തെടുക്കുക. ശേഷം അരിഞ്ഞുവെച്ച ഉള്ളി, പച്ചമുളക് എന്നിവ പച്ചമണം പോകുന്നത് വരെ വഴറ്റുക. ചതച്ചുവെച്ച ഇഞ്ചി, വെളുത്തുള്ളി പേസ്റ്റ് എന്നിവ കൂടി ഈയൊരു സമയത്ത് ചേർത്തു കൊടുക്കാവുന്നതാണ്. ശേഷം മസാല കൂട്ടിലേക്ക് ആവശ്യമായ പൊടികൾ ചേർത്തു കൊടുക്കാം. അതിനായി ഒരു ടീസ്പൂൺ അളവിൽ മല്ലിപ്പൊടി, മുളകുപൊടി, മഞ്ഞൾപൊടി, ഉപ്പ് എന്നിവ ചേർത്ത് മിക്സ് ചെയ്യുക. കഴുകി വൃത്തിയാക്കി വെച്ച ഗ്രീൻപീസ് കൂടി മസാല കൂട്ടിലേക്ക് ചേർത്ത് ഒന്ന് ഇളക്കിയെടുക്കുക. ഗ്രീൻപീസ് വേവുന്നതിന് ആവശ്യമായ വെള്ളം ഈ ഒരു സമയത്ത് ചേർത്തു കൊടുക്കാവുന്നതാണ്. ശേഷം കുക്കർ അടച്ചുവെച്ച് വേവിക്കുക. കുക്കർ തുറന്ന ശേഷം അതിലേക്ക് അല്പം പാൽപ്പൊടി വെള്ളത്തിൽ കലക്കി മിക്സ് ചെയ്തത് കൂടി ചേർക്കുകയാണെങ്കിൽ കറിക്ക് ഇരട്ടി രുചി ലഭിക്കുന്നതാണ്.
