കറന്‍സി നോട്ടുകള്‍ മാത്രമുപയോഗിച്ച് നിര്‍മിച്ച മുപ്പത്തിയഞ്ച് അടി നീളമുള്ള ഹാരമണിഞ്ഞ് പാകിസ്താനി വരന്‍. വ്യത്യസ്തമായ ഹാരത്തിന്റെ പേരില്‍ വൈറലായിരിക്കുകയാണ് വിവാഹവും വരനും. വരന്റെ സഹോദരനാണ് ഈ ഭീമൻ ഹാരം സമ്മാനിച്ചത്. രണ്ടായിരത്തോളം കറന്‍സി നോട്ടുകളാണ് ഈ ഭീമന്‍ ഹാരത്തിന്റെ നിര്‍മാണത്തിനായി ഉപയോഗിച്ചിരിക്കുന്നത്.
50, 75 മൂല്യങ്ങളുടെ കറന്‍സി നോട്ടുകളാണ് ഹാരത്തിലുള്ളത്. ഏകദേശം ഒരു ലക്ഷം പാകിസ്താനി രൂപ മൂല്യം വരുന്ന (ഏകദേശം മുപ്പതിനായിരം രൂപ) നോട്ടുകള്‍ ഹാരത്തിൽ ഉപയോഗിച്ചിട്ടുണ്ട്. ആറേഴ് പേര്‍ ചേര്‍ന്നാണ് ഹാരം ചുമന്നുവരുന്നതെന്ന് പുറത്ത് വന്ന ദൃശ്യങ്ങളിൽ നിന്ന് വ്യക്തമാകുന്നത്.
വിവാഹവേദിയിലെത്തിയ അതിഥികളെ അമ്പരിപ്പിച്ച ഈ ഹാരമാണ് സമൂഹ മാധ്യമങ്ങളിലെ താരം. വിവാഹഹാരത്തിന്റെ വീഡിയോ സാമൂഹികമാധ്യമങ്ങളില്‍ വൈറലാണ്.
STORY HIGHLIGHT: pakistani groom currency garland