അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ബാഹുബലി എന്ന ബ്രഹ്മാണ്ഡ ചിത്രത്തിലൂടെ തെന്നിന്ത്യൻ പ്രേക്ഷകർക്ക് സുപരിചിതനായ നടൻ സുബ്ബരാജു വിവാഹിതനായി. ഇൻസ്റ്റഗ്രാമിലൂടെയാണ് വിവാഹ വാർത്ത താരം ആരാധകരെ അറിയിച്ചത്. 47-ാം വയസിലാണ് താരത്തിന്റെ വിവാഹം. വിവാഹ വേഷത്തില്‍ ഭാര്യയ്‌ക്കൊപ്പം കടല്‍ക്കരയില്‍ നില്‍ക്കുന്ന ചിത്രമാണ് താരം പങ്കുവെച്ചത്.
‘അവസാനം വിവാഹിതനായി’ എന്ന അടിക്കുറിപ്പോടെയായിരുന്നു താരത്തിന്റെ പോസ്റ്റ്. കുർത്തയും മുണ്ടുമായിരുന്നു നടന്റെ വേഷം. ചുവപ്പു പട്ടു സാരിയായിരുന്നു വധുവിന്റെ വേഷം. സ്റ്റൈലിഷ് ബ്ലാക്ക് സൺഗ്ലാസും ഇരുവരും വച്ചിട്ടുണ്ട്. നിരവധി പേരാണ് ഇരുവർക്കും ആശംസകൾ നേർന്നത്.
View this post on Instagram
ബാഹുബലിയിൽ സുബ്ബരാജു അവതരിപ്പിച്ച കുമാരവർമ്മൻ എന്ന കഥാപാത്രം ഏറെ ശ്രദ്ധിക്കപ്പെട്ടിരുന്നു. മലയാളത്തില്‍ തസ്‌കരവീരന്‍, സൗണ്ട് തോമ എന്നീ ചിത്രങ്ങളിലും അദ്ദേഹം അഭിനയിച്ചിട്ടുണ്ട്. സംവിധായകൻ കൃഷ്ണ വംശിയുടെ ഖഡ്ഗം എന്ന ചിത്രത്തിലൂടെയാണ് സുബ്ബ രാജുവിന്റെ അഭിനയ ജീവിതം ആരംഭിക്കുന്നത്.
STORY HIGHLIGHT: baahubali actor subba raju gets married
