Policeman collapses and dies
കോഴിക്കോട് സുഹൃത്തുക്കള്‍ക്കൊപ്പം ചായ കുടിക്കുന്നതിനിടയില്‍ പൊലീസുകാരന്‍ കുഴഞ്ഞുവീണു മരിച്ചു. തിരുവമ്പാടി പുല്ലൂരാംപാറ പെരികലത്തില്‍ ഷാജി മാത്യു (46) ആണ് മരിച്ചത്. കോഴിക്കോട് സിറ്റി കണ്‍ട്രോള്‍ റൂമിലെ സിപിഒ ആയിരുന്നു. പുല്ലൂരാംപാറ പള്ളിപ്പടിയിലെ വോളിബോള്‍ കോര്‍ട്ടില്‍ വച്ച് വോളിബോള്‍ കളിച്ചിരുന്നു, ശേഷം തൊട്ടടുത്ത് തന്നെയുള്ള ചായക്കടയില്‍ സുഹൃത്തുക്കള്‍ക്കൊപ്പം ചായ കുടിക്കുന്നതിനിടയില്‍ പെട്ടെന്ന് കുഴഞ്ഞു വീഴുകയായിരുന്നു. ഉടന്‍ തന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
പിതാവ്: പരേതനായ മാത്യു, മാതാവ്: മറിയക്കുട്ടി ഭാര്യ:നൈസില്‍ ജോര്‍ജ് തുഷാരഗിരി പുളിക്കല്‍ കുടുംബാംഗം. മക്കള്‍: അലന്റ് (പത്താം ക്ലാസ് വിദ്യാര്‍ഥി), ആന്‍ലിയ(അഞ്ചാം ക്ലാസ് വിദ്യാര്‍ഥി).സഹോദരങ്ങള്‍:വില്‍സണ്‍,ബെന്നി,ജോണ്‍സണ്‍, മിനി. സംസ്‌കാരം പിന്നീട്.