Young man attacks nurse who rejected his marriage proposal
വിവാഹാഭ്യര്‍ത്ഥന നിരസിച്ചതിന് നഴ്സിനെ ആക്രമിച്ച് യുവാവ്. കര്‍ണാടകയിലെ ബെലഗാവിയിലെ ആശുപത്രിയിലാണ് സംഭവം.സംഭവത്തിന്റെ വീഡിയോ ഓണ്‍ലൈനില്‍ വൈറലായി. ഒരു മാസം മുമ്പ് നടന്ന സംഭവത്തില്‍ അക്രമിക്കാനെത്തിയ യുവാവില്‍ നിന്നും യുവതി ധൈര്യപൂര്‍വ്വം രക്ഷപെടുന്നതും വീഡിയോയില്‍ കാണാം. സംഭവത്തിന് തൊട്ടുപിന്നാലെ പോലീസ് പ്രകാശിനെ അറസ്റ്റ് ചെയ്തു. ഇയാള്‍ക്കെതിരെ ഖാഡെ ബസാര്‍ പോലീസ് സ്റ്റേഷനില്‍ കേസ് രജിസ്റ്റര്‍ ചെയ്തിട്ടുണ്ട്. ഇയാള്‍ ഇപ്പോള്‍ കസ്റ്റഡിയിലാണ്.
പ്രകാശ് ജാദവ് എന്നയാളാണ് യുവതി ജോലിചെയ്യുന്ന ആശുപത്രി വളപ്പിലേക്ക് അതിക്രമിച്ച് കയറി റിസപ്ഷന്‍ കൗണ്ടറിന് സമീപം കാത്തുനിന്ന ശേഷം നഴ്സിന് നേരെ ക്രൂരമായ ആക്രമണം നടത്തിയത്. നഴ്സിന്റെ ധൈര്യപൂര്‍വ്വമായ ഇടപെടലില്‍ ആക്രമണത്തില്‍ നിന്നും രക്ഷപ്പെട്ടു.
പ്രകാശും നഴ്സും ഒരേ സ്ഥലത്താണ് താമസിച്ചിരുന്നതെന്നും വിവാഹാത്തിനായി ഇയാള്‍ നിരന്തരം ആവശ്യപ്പെടുകയായിരുന്നു എന്നാണ് റിപ്പോര്‍ട്ടുകള്‍ പറയുന്നു.
ദിവസങ്ങള്‍ക്ക് മുമ്പ് നഴ്സിന്റെ കുടുംബം തന്റെ ആവശ്യം നിരസിച്ചതിനെത്തുടര്‍ന്നാണ് പ്രകാശ് ഇത്തരമൊരു നടപടിയിലേക്ക് കടന്നത്. നഴ്സിനെ ആക്രമിച്ചതിനെ തുടര്‍ന്ന് ആശുപത്രി ജീവനക്കാര്‍ പ്രതിയുമായി ഏറ്റുമുട്ടുന്നതും സംഭവത്തിന്റെ വീഡിയോയില്‍ കാണാം.