G. Sudhakaran not invited to CPM Ambalapuzha area conference
സിപിഎം അമ്പലപ്പുഴ ഏരിയ സമ്മേളനത്തില്‍ ജി.സുധാകരന് ക്ഷണമില്ല. ഉദ്ഘാടന സമ്മേളനത്തിലും ശനിയാഴ്ച നടക്കുന്ന പൊതുസമ്മേളനത്തിലും ജി.സുധാകരന് ക്ഷണമില്ല. സുധാകരന്റെ വീടിനടുത്താണ് ഇത്തവണ പൊതുസമ്മേളന വേദി. 15 വര്‍ഷം അമ്പലപ്പുഴ മണ്ഡലത്തിലെ എംഎല്‍എയായിരുന്നു ജി.സുധാകരന്.
സിപിഎമ്മിന്റെ ആലപ്പുഴയിലെ യുവനേതാവ് ടി.ജെ.ആഞ്ചലോസിനെ പാര്‍ട്ടിയില്‍ നിന്ന് പുറത്താക്കിയത് കള്ള റിപ്പോര്‍ട്ട് ഉണ്ടാക്കിയാണെന്ന് ആരോപിച്ച് ജി.സുധാകരന് രംഗത്തെത്തിയിരുന്നു. സിപിമ്മിലെ പ്രായപരിധി നിബന്ധനയ്ക്കെതിരെയും അദ്ദേഹം ശബ്ദമുയര്‍ത്തിയിരുന്നു.