അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കേരള പൈതൃക കലാ സാംസ്കാരിക വേദി മുണ്ടംവേലി അവതരിപ്പിക്കുന്ന പുതിയ ചവിട്ടു നാടകമായ ‘ദേവസഹായം പിള്ള’യുടെ ‘കൂട്ടിയിണക്ക്’ നാളെ രാവിലെ 10 മണിക്ക് കൊച്ചി പള്ളൂരുത്തി – ചിറയ്ക്കൽ നഗറിൽ നടക്കും. ചലച്ചിത്ര താരവും ചവിട്ടു നാടകത്തിന്റെ സഹ സംവിധായികയുമായ മോളി കണ്ണമാലി ചടങ്ങിൽ അധ്യക്ഷത വഹിക്കും. നടനും കഥാകൃത്തും സംവിധായകനും നിർമ്മാതാവും ലോക റെക്കോർഡ് ജേതാവുമായ ജോയ് കെ. മാത്യു പരിപാടി ഉദ്ഘാടനം ചെയ്യും. മാധ്യമ പ്രവർത്തകനും നടനും സംവിധായകനുമായ പോളി വടക്കൻ, കേരള ശബ്ദം ബ്യൂറോ ചീഫും റീജണൽ മേധാവിയുമായ മൈക്കിൾ വർഗീസ് ചെങ്ങാടക്കരി എന്നിവർ ചടങ്ങിൽ മുഖ്യാതിഥികളായി പങ്കെടുക്കും. ചവിട്ടു നാടകാചാര്യൻ മൈക്കിൾ സൗദിയാണ്‌ ദേവസഹായം പിള്ളയുടെ സംവിധായകൻ. വി.സി. ഫ്രാൻസിസ് വട്ടത്തറയാണ് സഹസംവിധാനം നിർവഹിച്ചിരിക്കുന്നത്. നർത്തകൻ കലാമണ്ഡലം വിജയൻ മുണ്ടംവേലി, മുൻ ലേബർ കമ്മീഷണറും കേരള പൈതൃക കലാ സാംസ്കാരിക വേദി രക്ഷാധികാരിയുമായ വി.ജെ.വിക്ടർ തുടങ്ങിയവർ പ്രസംഗിക്കും. മിൽട്ടൻ ബീച്ച് റോഡ്, ജോൺസൺ ചങ്ങനാശ്ശേരി, കുഞ്ഞപ്പൻ മുണ്ടംവേലി, ജോളി കണ്ണമാലി, ടോമി മാനാശ്ശേരി ക്ലെനിൻ ചിറയ്ക്കൽ, ടോമി മാനാശ്ശേരി,ചിന്നു കണ്ണമാലി, വിപിൻ ചെറിയകടവ്, സോളി ആന്റണി മുണ്ടംവേലി, കുഞ്ഞ്മോൻ ബീച്ച് റോഡ്, ജോയ് മാനാശ്ശേരി, ജോൺസൺ ചങ്ങനാശ്ശേരി, ജോയ് ഫോർട്ട്‌കൊച്ചി, അലക്സ്‌ സൗദി എന്നിവരാണ് പ്രധാന അഭിനേതാക്കൾ. അത്യപൂർവ്വമായി മാത്രം കേരളത്തിൽ നടക്കുന്ന ചവിട്ടു നാടകം ലത്തീൻ ക്രൈസ്തവരുടെ ഇടയിൽ പ്രചാരത്തിലുള്ള ഒരു കലാരൂപമാണ്‌. മദ്ധ്യകാല യൂറോപ്പിലെ നാടകരൂപങ്ങളെ ഉള്ളടക്കത്തിലും അവതരണത്തിലും അനുകരിച്ച് രൂപപ്പെടുത്തിയതാണ് ഈ ദൃശ്യകലാരൂപം.
