അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കളിയെല്ലാം കഴിഞ്ഞ് ക്ഷീണിച്ച് വരുന്ന കുട്ടികൾക്ക് എന്തെങ്കിലുമൊക്കെ കഴിക്കാനും കുടിക്കാനും വേണം. അമ്മയെ ശല്യപ്പെടുത്താതെ കുട്ടികളെ നിങ്ങൾ വളരെ എളുപ്പത്തിൽ ബ്രെഡ് കൊണ്ട് അടിപൊളി വിഭവം തയാറാക്കാം.
ചേരുവകൾ
- പനീർ
- കാപ്സിക്കം – രണ്ടു സ്പൂൺ
- സവാള – 1
- കാരറ്റ് – 1
- ഇഞ്ചി വെളുത്തുള്ളി – അര ടീസ്പൂൺ
- മുളക്പൊടി – എരിവിന് അനുസരിച്ച്
- തക്കാളി സോസ് – ആവശ്യത്തിന്
- കുരുമുളക് – ഒരു നുള്ള്
- ഗരം മസാല – ഒരു നുള്ള്
- ഉപ്പ് – ആവശ്യത്തിന്
- ബ്രെഡ് – ആവശ്യത്തിന്
- ബട്ടർ
തയ്യാറാക്കുന്ന വിധം
ഒരു ബൗളില്‍ പനീർ ചെറുതായി ഗ്രേറ്റ് ചെയ്തത് ചേര്‍ക്കാം. അതിലേക്ക് രണ്ടു സ്പൂൺ പൊടിയായി അരിഞ്ഞ കാപ്സിക്കവും. വേണമെങ്കിൽ കാരറ്റും ചെറുതായി അരിഞ്ഞ സവാളയും അര ടീസ്പൂൺ ഇഞ്ചിയും വെളുത്തുള്ളിയും ചതച്ചതും എരിവിന് അനുസരിച്ച് മുളക്പൊടിയും തക്കാളി സോസും ആവശ്യത്തിനുള്ള ഉപ്പും ഇത്തിരി കുരുമുളകും നുള്ള് ഗരം മസാലയും ചേർത്ത് നന്നായി മിക്സ് ചെയ്യണം.
ശേഷം ബ്രെഡ് എടുത്ത് അരിക് ഭാഗം മുറിച്ച് മാറ്റാം. ചപ്പാത്തി റോൾ കൊണ്ട് ബ്രെഡ് പരത്തിയെടുക്കാം. ബ്രെഡിന് മുകളിൽ ടൊമാറ്റോ സോസ് പുരട്ടി അതിലേക്ക് പനീറിന്റെ കൂട്ട് വച്ച് ചുരുട്ടി എടുക്കാം. പാൻ വച്ച് ബട്ടർ ചേർത്ത് ഒാരോ ബ്രെഡ് റോളും തിരിച്ചും മറിച്ചുമിട്ട് മൊരിച്ചെടുക്കാം.
STORY HIGHLIGHT: paneer bread roll
