ദക്ഷിണേന്ത്യ കേന്ദ്രീകരിച്ച് പ്രവർത്തിക്കുന്ന റിസോർട്ട് ശൃംഖലയായ വെക്കാ സ്റ്റേയുടെ ബുക്കിംഗ് ആപ്പായ ‘ വെക്കാ സ്റ്റേ കൾച്ചർ ‘ കേന്ദ്ര ടൂറിസം സഹമന്ത്രി സുരേഷ് ഗോപി പുറത്തിറക്കി. കേരളത്തിലെ തന്നെ ഏറ്റവും മികച്ച ഓഫിറുകളുമായി
തന്നെ ‘ വെക്കാസ്റ്റേ ലെഗസി കാർഡ്, വെക്കാ സ്റ്റേലോഗോ എന്നിവയുടെ ലോഞ്ചിങ്ങ് ചടങ്ങുകളും അദ്ദേഹം ഉദ്ഘാടനം ചെയ്തു.
9999 രൂപയ്ക്ക് ഒരു വർഷം മൂന്ന് തവണ വച്ചു വെക്കാസ്റ്റേയുടെ മൂന്നാർ, ഊട്ടി, വയനാട് എന്നിവിടങ്ങളിൽ ഉള്ള റിസോർട്ടുകളിൽ 3 വർഷം 9 തവണ താമസം ഓഫർ ചെയ്യുന്ന പാക്കേജ് ആണ് വെക്കാസ്റ്റേ ലഗസി. കേരളത്തിലെ ആദ്യമായി ആണ് ഇത്രയും ബഡ്ജറ്റ് ഫ്രണ്ട്‌ലി ആയി ടൂറിസം പാക്കേജ് പ്രഖ്യാപിക്കുന്നത്.
വെക്കാ സ്റ്റേ ആപ്പിലൂടെ ആദ്യം രജിസ്റ്റർ ചെയ്യുന്ന 5000 പേരിൽ നിന്ന് തെരഞ്ഞെടുക്കുന്ന ഒരാൾക്ക് ‘ ഥാർ റോക്ക്സ് ‘ നൽകുമെന്ന് കമ്പനി വക്താക്കൾ അറിയിച്ചു.
രാജ്യത്തെ വിനോദ സഞ്ചാര വികാസത്തിന് മുൻകൈ എടുക്കേണ്ടത് സംസ്ഥാന സർക്കാരുകളാണെന്ന് ചടങ്ങിൽ സംസാരിക്കവേ സുരേഷ് ഗോപി പറഞ്ഞു.
ടൂറിസത്തിൻ്റെ സ്വഭാവം വലിയ രീതിയിൽ മാറി. അത് മുന്നിൽ കണ്ടുള്ള ആശയങ്ങൾ ടൂറിസം രംഗത്തേക്ക് കൊണ്ടുവരാൻ ശ്രമിക്കുന്നുണ്ട്. ഡെസ്റ്റിനേഷൻ ബിയോണ്ട് ഡെസ്റ്റിനേഷൻ പദ്ധതി ഇത്തരത്തിൽ ഒന്നാണ്. ഗോവയിൽ ഡെസ്റ്റിനേഷൻ ബിയോണ്ട് ബീച്ചസ് എന്ന അന്വേഷണം ഈ പദ്ധതി വഴി മുന്നോട്ട് വച്ച ഒന്നാണ് – അദ്ദേഹം പറഞ്ഞു.
അന്താരാഷ്ട്ര തലത്തിൽ ടർക്കി, തായ്ലണ്ട് എന്നീ രാജ്യങ്ങൾ നമുക്ക് വെല്ലുവിളി ഉയർത്തുന്ന ഇടങ്ങളായി ഉയർന്നു വരികയാണ്. ഈ സാഹചര്യത്തിൽ പുതിയ വിനോദ സഞ്ചാര മേഖലകൾ കണ്ടെത്തി ലോകത്തിന് മുന്നിൽ വയ്ക്കേണ്ട ബാധ്യത നമുക്കുണ്ടെ ന്നും അദ്ദേഹം പറഞ്ഞു. സംസ്ഥാനങ്ങൾക്കാണ് ഇക്കാര്യത്തിൽ കൂടുതൽ പങ്ക് വഹിക്കാനാക്കുക.
കല്യാൺ സിൽക്‌സ് മാനേജിംഗ് ഡയറക്ടർ ടി.എസ് പട്ടാഭിരാമൻ , സംവിധായകൻ മേജർ രവി, അഭിനേത്രിമാരായ ഭാവന, നിഖില വിമൽ എന്നിവരും ചടങ്ങിൽ പങ്കെടുത്തു. വെക്കാസ്റ്റേ ഡയറക്ടർ ടിപ്പു ഷാ നന്ദി പറഞ്ഞു.