ക്ഷീണം അകറ്റാൻ ഒരു പച്ച മാങ്ങാ സ്‌ക്വഷ് ആയല്ലോ? – mango squash

ശീതളപാനീയങ്ങളാണ് ഇപ്പോൾ നാട്ടിലെ താരം. വീട്ടിൽ തയാറാക്കാവുന്ന നല്ല തണുപ്പൻ’ മാങ്ങാ സ്ക്വാഷ് തയ്യാറാക്കിയാലോ. ഉള്ളൊന്ന് തണുപ്പിക്കാം.

ചേരുവകൾ

• പച്ച മാങ്ങാ – 2 എണ്ണം
• മല്ലിയില – കുറച്ച്
• പുതിനയില – കുറച്ച്
• പഞ്ചസാര – 300 ഗ്രാം
• വറുത്ത ജീരകം പൊടിച്ചത് – 1/4 ടീ സ്പൂൺ
• ഇന്തുപ്പ് – 1/4 ടീ സ്പൂൺ
• കുരുമുളക് പൊടി – 1/4 ടീ സ്പൂൺ
• ഉപ്പ് – കുറച്ച്
• നാരങ്ങ -1

തയ്യാറാകുന്ന വിധം

മാങ്ങാ ചെറിയ കഷ്ണങ്ങൾ ആക്കി പാകത്തിന് വെള്ളം ചേർത്ത് കുക്കറിൽ വേവിക്കുക. വെന്തു കഴിയുമ്പോൾ കുറച്ച് മല്ലിയിലയും പുതിനയിലയും ചേർത്ത് അരച്ചെടുക്കുക. ഒരു പാനിൽ പഞ്ചസാരയും 1 കപ്പ്‌ വെള്ളവും ചേർത്ത് തിളപ്പിക്കുക. തിളച്ചു വരുമ്പോൾ വറുത്ത ജീരകം പൊടിച്ചതും ഇന്തുപ്പ്, ഉപ്പ്, കുരുമുളക് പൊടി, നാരങ്ങാനീര് എന്നിവയും ചേർക്കുക. അതിലേക്ക് അരച്ചു വെച്ച മാങ്ങാ ചേർത്ത് തിളപ്പിക്കുക. പച്ച മാങ്ങാ സ്ക്വാഷ് റെഡി.

STORY HIGHLIGHT: mango squash