അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സന്തോഷ് ട്രോഫി ഫുട്ബാളിൽ തുടർച്ചയായി നാലാം ജയം കുറിച്ച് കേരളം ബി ഗ്രൂപ് ചാമ്പ്യന്മാർ. ആദ്യ പകുതിയിൽ നേടിയ മൂന്നുഗോളിന് ഡൽഹിയെ മുക്കിയ കേരളത്തിന് ഇതോടെ 12 പോയന്‍റായി. നസീബ് റഹ്മാൻ (16), ജോസഫ് ജസ്റ്റിൻ (31), ഷിജിൻ (40) എന്നിവരാണ് സ്കോറർമാർ. നിറഞ്ഞുകളിച്ച വിങ്ങർ നിജോ ഗിൽബർട്ടിന്‍റെ ബൂട്ടിൽനിന്നായിരുന്നു മൂന്നുഗോളിലേക്കും അസിസ്റ്റ് പിറന്നത്. നസീബാണ് കളിയിലെ താരം.
കഴിഞ്ഞ കളികളിലെ ഗോൾമെഷീൻ മുഹമ്മദ് അജ്സലിന് വിശ്രമം നൽകി ടി. ഷിജിന് ആക്രമണ ചുമതല നൽകി 5-4-1 ശൈലിയിലാണ് കോച്ച് ബിബി തോമസ് കേരള ടീമിനെ ഇറക്കിയത്. മുഹമ്മദ് റോഷന് പകരം നിജോ ഗിൽബർട്ടും ആദ്യ ഇലവനിൽ ഇടം നേടി. ആക്രമണത്തിന് മുൻതൂക്കം നൽകി 4-2-4 ശൈലിയിലായിരുന്നു ഡൽഹിയുടെ വിന്യാസം.
content highlight : santhosh-trophy-kerala -won
