കൊല്ലം ബീച്ച് റോഡിലെ ഡോണൾഡക്ക് റെസ്റ്റോറന്‍റിലുണ്ടായ സംഘർഷത്തിൽ കേസെടുത്ത് പൊലീസ്. റെസ്റ്റോറന്‍റില്‍ ഭക്ഷണം കഴിക്കാനെത്തിയവരും ജീവനക്കാരും തമ്മിലാണ് സംഘർഷം നടന്നത്. ഭക്ഷണം മോശമാണെന്ന് ഹോട്ടലിൽ അറിയിച്ചതിനെ തുടർന്ന് തർക്കമായി. തുടർന്ന് സംഘർഷത്തിൽ കലാശിക്കുക ആയിരുന്നു എന്നാണ് പരാതി. സംഭവത്തിൽ റസ്റ്റോറന്‍റ് ഉടമ ടൈറ്റസ് ഉൾപ്പെടെ ആറു പേർക്കെതിരെയാണ് കൊല്ലം ഈസ്റ്റ് പൊലീസ് കേസെടുത്തു.
അമ്മയുടെ പിറന്നാളിൽ കുടുംബമായി ഭക്ഷണം കഴിക്കാൻ റെസ്റ്റോറന്‍റില്‍ എത്തിയപ്പോൾ ആണ് സ്ത്രീകളെയടക്കം ജീവനക്കാർ മർദിച്ചത് എന്നാണ് ജയ സാബുവിന്‍റെ പരാതി. പരാതിയുടെ അടിസ്ഥാനത്തിൽ കേസെടുത്ത പൊലീസ് പ്രതികളിൽ മൂന്നുപേരുടെ അറസ്റ്റ് രേഖപ്പെടുത്തി ജാമ്യത്തിൽ വിട്ടയച്ചു. എന്നാൽ ഭക്ഷണം കഴിക്കാൻ വന്നവർ മർദിച്ചുവെന്ന് ആരോപിച്ചു റസ്റ്റോറന്‍റ് ഉടമയും പരാതി നൽകിയിട്ടുണ്ട്.
STORY HIGHLIGHT: clashes at a restaurant on kollam