അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.നിരവധി ആരാധകരുള്ള ഉദ്ഘാടനവേദികളിലെ സ്ഥിരം സാന്നിധ്യമായ ഹണിറോസിനെ അറിയാത്തവരായി ആരും തന്നെ ഉണ്ടാവില്ല. ഇപ്പോഴിതാ തന്നെ കാണാനെത്തിയ ആരാധകർക്കായി പാട്ടുപാടി നൃത്തം ചെയ്തിരിക്കുകയാണ് താരം . ബോംബെ സിനിമയിലെ പ്രശസ്തമായ ‘അന്ത അറബിക്കടലോരം’ എന്ന ഗാനത്തിനാണ് താരം ചുവടു വച്ചത്. ഒരു ഉദ്ഘാടന ചടങ്ങിനിടെയായിരുന്നു താരം കലാപ്രകടനങ്ങൾ നടത്തിയത്. ആരാധകരുടെ അഭ്യർഥന പ്രകാരം ഒരു ക്രിസ്മസ് ഗാനം കൂടി പാടിയാണ് താരം വേദി വിട്ടത്.
ആരാധകരെ അഭിസംബോധന ചെയ്യുന്നതിനിടെ പാട്ടു പാടാമോ എന്ന ആവശ്യം ഉയർന്നു. മൈക്കിലൂടെ തന്റെ ശബ്ദം കേൾക്കുമ്പോൾ തനിക്കു തന്നെ വളരെ ചമ്മലാണെന്നായിരുന്നു താരത്തിന്റെ ആദ്യ പ്രതികരണം. സമൂഹമാധ്യമങ്ങൾ ഇത്രയും സജീവമാകുന്നതിന് മുൻപ് ഒരു പരിപാടിയിൽ പാടിയിട്ടുണ്ടെന്നും അന്ന് അവിടെ കൂടെ നിന്നവർ ഭയങ്കര ചിരിയായിരുന്നു എന്നും താരം വെളിപ്പെടുത്തി.
ആദ്യം പാടാൻ വിസമ്മതിച്ചെങ്കിലും, പിന്നീട് ആരാധകർക്കായി പ്രശസ്തമായ ജിംഗിൾ ബെൽസ് എന്ന ഗാനം ആലപിക്കുകയായിരുന്നു. ‘എല്ലാവരും ഓകെ അല്ലേ, ആർക്കും കുഴപ്പമൊന്നും ഇല്ലല്ലോ അല്ലേ,’ എന്ന് സ്വയം ട്രോളാനും താരം മറന്നില്ല.
STORY HIGHLIGHT: honey rose live singing event
