അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.തൃശൂർ കുഴൂരിൽ പള്ളി വികാരിയെ തടഞ്ഞു നിർത്തി അസഭ്യം പറഞ്ഞത് ചോദിക്കാനെത്തിയ വ്യാപാരിയെയും കുടുംബത്തെയും വീടുകയറി ആക്രമിച്ച കേസിൽ കേസെടുത്ത് പോലീസ്. പ്രദേശവാസികളായ ഡേവിസ്, ലിനു, ഷൈജു, ലിൻസൺ എന്നിവർക്കെതിരേയാണ് മാള പോലീസ് കേസെടുത്തിരിക്കുന്നത്.
തിരുമുക്കുളം പള്ളിയിലെ ക്രിസ്മസ് ട്രീയിൽ ലൈറ്റ് ഇട്ടതിൽ ത്രിപ്തരല്ലെന്ന് പറഞ്ഞാണ് പള്ളിവികാരിയുടെ കാർ തടഞ്ഞു നിർത്തി പ്രതികൾ അസഭ്യം പറയുകയും ഭീഷണിപ്പെടുത്തുകയും ചെയ്തിരുന്നു. പള്ളി വികാരി ആന്റണി പോൾ പറമ്പത്തുമായി പ്രതികൾ തർക്കിക്കുന്നത് കണ്ട് ഇടപെടാൻ എത്തിയതാണ് വ്യാപാരിയായ ആന്റണി. ഇതിന്റെ വൈരാഗ്യത്തിലാണ് പ്രതികൾ ആന്റണിയുടെ വ്യാപാര സ്ഥാപനത്തിൽ കയറി ആക്രമണം നടത്തിയത്.
സംഭവത്തിനിടെ ആന്റണിയുടെ പോക്കറ്റിലുണ്ടായിരുന്ന 12,000 രൂപ നഷ്ടപ്പെട്ടുവെന്നും ഏകദേശം ഒരു ലക്ഷം രൂപയുടെ നാശനഷ്ടങ്ങളുണ്ടായതായും പോലീസ് പറയുന്നു. ആക്രമണത്തിൽ പരുക്കേറ്റ ആന്റണിയും കുടുംബവും ആശുപത്രിയിൽ ചികിത്സ തേടിയിരുന്നു. സംഭവത്തിൽ പ്രതിഷേധിച്ച് കുഴൂർ പഞ്ചായത്ത് പരിധിയിൽ വ്യാപാരികൾ കടയടച്ചിട്ട് പ്രതിഷേധവും നടത്തി. അസഭ്യം നടത്തിയതിനും വഴിയിൽ തടഞ്ഞു നിർത്തി ഭീഷണിപ്പെടുത്തിയതിനും പള്ളിവികാരി നൽകിയ പരാതിയുടെ അടിസ്ഥാനത്തിൽ അന്യായമായി വഴിതടയൽ, അശ്ലീല പരാമർശം, ഭീഷണിപ്പെടുത്തൽ തുടങ്ങിയ വകുപ്പുകൾ ചുമത്തി പോലീസ് പ്രതികൾക്കെതിരെ കേസ് എടുത്തു.
STORY HIGHLIGHT: insulting priest and attack merchants house
